လာမယ့်ရက်သတ္တပတ်အတွင်းကျင်းပမယ့် အိန္ဒိယ − အာဆီယံ နိုင်ငံခြားရေးဝန်ကြီးများအဆင့်အစည်းအဝေးမှာ အာဏာသိမ်းမြန်မာစစ်ကောင်စီ နိုင်ငံခြားရေးဝန်ကြီးကို မဖိတ်ဖို့ အိန္ဒိယဘက်က ဆုံးဖြတ်လိုက်ပါတယ်။
အာဆီယံအဖွဲ့ဝင်နိုင်ငံတွေရဲ့ ဆန္ဒအတိုင်း စစ်ကောင်စီနိုင်ငံခြားရေးဝန်ကြီးကိုမဖိတ်ဖို့ အိန္ဒိယဘက် က ဆုံးဖြတ်လိုက်ကြောင်း အိန္ဒိယအခြေစိုက် The Economic Times ကဖော်ပြပါတယ်။
အစည်းအဝေးမှာ မြန်မာထိုင်ခုံကိုအလွတ်ထားမှာဖြစ်ပြီး နိုင်ငံရေးအရ ကိုယ်စားမပြုသူအဆင့်ကိုပဲအိန္ဒိယက ဖိတ်ကြားမှာပါ။
အိန္ဒိယ − အာဆီယံ နိုင်ငံခြားရေးဝန်ကြီးများအဆင့်အစည်းအဝေးကို ဇွန်လ ၁၅ ရက်ကနေ ၁၇ ရက်အထိ ကျင်းပမှာဖြစ်ပါတယ်။
ဒီအစည်းအဝေးဟာ အာဆီယံ ဒေသတွင်းနိုင်ငံတွေကို အင်ဒို −ပစိဖိတ်ဒေသရဲ့ မဟာဗျုဟာမြောက်အစိတ်အပိုင်း အဖြစ်ထိတွေ့ဆက်ဆံမှုတွေပိုလုပ်ဖို့နဲ့ ဒေသတွင်း တရုတ်ရဲ့ ခြေလှမ်းကို တန်ပြန်နိုင်ဖို့ အိန္ဒိယက လက်ခံကျင်းပတာလည်းဖြစ်ပါတယ်။