Connect with us

Hi, what are you looking for?

သတင်း

ကျပ်ထိုး ရဲစခန်းကို ပခုက္ကူ PDF ဝင်တိုက်၊ စစ်ကူလာသည့် စစ်ကားနှင့်ရဲကားများကို မိုင်းဆွဲတိုက်ခိုက်

တစ်ဖက်တွင်လည်း ကျပ်ထိုးရဲစခန်းသို့ စစ်ကူရန် မြစ်ခြေဘက်မှထွက်လာသည့် အကြမ်းဖက်စစ်ကားတစ်စီးနှင့် ကမ္မဘက်မှ ထွက်လာသည့် ရဲကား တစ်စီးအား မိုင်းဆွဲ တိုက်ခိုက်နိုင်ခဲ့ကြောင်း ထုတ်ပြန်သည်။

(ပခုက္ကူ PDF တပ်ဖွဲ့ဝင်များအား တွေ့ရစဥ်)
(ပခုက္ကူ PDF တပ်ဖွဲ့ဝင်များအား တွေ့ရစဥ်)

တိုက်ပွဲများအတွင်း စစ်သား၊ ရဲနှင့်ပျူစောထီး ၂၀ထက်မနည်းသေဆုံးပြီး PDF တစ်ဦးကျဆုံး

မကွေးတိုင်း ပခုက္ကူမြို့နယ် ကျပ်ထိုးရဲစခန်းကို ယနေ့နံနက်က ဝင်ရောက်တိုက်ခိုက်ခဲ့ရာတိုက်ပွဲပြင်းထန်ခဲ့ပြီး စစ်ကောင်စီတပ်သား၊ ရဲနှင့် ပျူစောထီးများ သေဆုံးထိခိုက်များပြားဟု ပခုက္ကူ ပြည်သူ့ကာကွယ်ရေးတပ်(PDF)က ထုတ်ပြန်သည်။

ဇွန်လ ၈ရက် နံနက် ၆နာရီခွဲအချိန်တွင် ကျပ်ထိုးရဲစခန်းကို ဝင်ရောက်တိုက်ခိုက်ခဲ့ရာ အပြန်အလှန်ပစ်ခတ်မှုများ ပြင်းထန်စွာ ဖြစ်ခဲ့ပြီး တိုက်ပွဲမှာ တစ်နာရီခွဲခန့် ကြာမြင့်ခဲ့သည်ဟု ဆိုသည်။

တိုက်ပွဲတွင် ပခုက္ကူ PDF က(၄၀) မမ ဗုံးပစ်လောင်ချာများဖြင့် လည်းကောင်း၊ လက်နက်ငယ်များဖြင့်လည်းကောင်း ပစ်ခတ်ခဲ့ခဲ့ကြောင်း၊ ရန်သူ့ရဲစခန်းအား သိမ်းယူရန် ကြိုးပမ်းခဲ့သော်လည်း အကြမ်းဖက် စစ်ကူ ကား ၁စီး ရောက်ရှိလာခဲ့ရာ ကျည်လက်နက်အင်အားမမျှ၍ စခန်းအား မီးရှို့ဖျက်ဆီးနိုင်ခဲ့ခြင်းမရှိဘဲ တိုက်ပွဲအတွင်းမှ အရေးပေါ် ဆုတ်ခွာခဲ့ရကြောင်း ဖော်ပြသည်။

Public Service Announcement

Public Service Announcement

တစ်ဖက်တွင်လည်း ကျပ်ထိုးရဲစခန်းသို့ စစ်ကူရန် မြစ်ခြေဘက်မှထွက်လာသည့် အကြမ်းဖက်စစ်ကားတစ်စီးနှင့် ကမ္မဘက်မှ ထွက်လာသည့် ရဲကား တစ်စီးအား မိုင်းဆွဲ တိုက်ခိုက်နိုင်ခဲ့ကြောင်း ထုတ်ပြန်သည်။

ထို့ကြောင့် ကျပ်ထိုး ရဲစခန်း တိုက်ခိုက်မှု ဖြစ်စဉ်များအတွင်း အကြမ်းဖက် စစ်တပ်ဘက်မှ စစ်သား၊ ရဲ၊ ပျူစောထီး ၂၀ ဦးထက်မနည်းသေဆုံးခဲ့ပြီး ဒဏ်ရာရသူအများအပြားရှိခဲ့သည်ဟု ဖော်ပြသည်။

ထို့ပြင် ကျပ်ထိုးရဲစခန်း အဆောက်အဦးလည်း ပျက်စီးဆုံးရှုံးများစွာ ဖြစ်ခဲ့ကြောင်း ထုတ်ပြန်သည်။

တိုက်ပွဲအတွင်း PDF ရဲဘော်တစ်ဦးကျဆုံးခဲ့ကြောင်းလည်း ပခုက္ကူ PDFက အသိပေးထားသည်။

ဆက်စပ်သတင်းများ

သတင်း

သီတင်းကျွတ်ကာလမှာ စစ်တပ်က မကွေးတိုင်း၊ မြိုင်နဲ့ ပခုက္ကူမြို့နယ်က ဘုန်ကြီးကျောင်းတွေကို လေကြောင်းကနေ ဗုံးကြဲဖျက်ဆီးခဲ့တယ်လို့ ဒေသခံတချို့က ပြောပါတယ်။

သတင်း

အမျိုးသားညီညွတ်ရေးအစိုးရ(NUG)၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်(PDF)၊ စစ်ရုံးချုပ်ကွပ်ကဲမှုအောက်ရှိ အမှတ် (၉၇၁၁) တပ်ရင်းကို လက်နက်တပ်ဆင်ခြင်းအခမ်းအနား ကျင်းပခဲ့ကြောင်း ပြည်သူ့ကာကွယ်ရေးတပ်မတော် က သတင်းထုတ်ပြန်ပါတယ်။

သတင်း

ပြည့်သူ့ကာကွယ်​ရေးတပ်မ​တော်(PDF)၊အထူးတိုင်းစစ်ဌာန သုံ့ပန်းစခန်းမှာ ပေးအပ်တဲ့တာဝန်တွေကို ကျေပွန်အောင်ထမ်းဆောင်ခဲ့တဲ့ စစ်သုံ့ပန်း ၁၆ ဦးကို သူတို့ရဲ့ဆန္ဒအလျောက် ပြည်သူ့ကာကွယ်ရေးတပ်မတော်သားတွေအဖြစ် တာဝန်ထမ်း‌ ဆောင်ခွင့် ပြုလိုက်တယ်လို့အမျိုးသားညီညွတ်ရေးအစိုးရ (NUG)ကာကွယ်ရေးဝန်ကြီးဌာနက သတင်းထုတ်ပြန်ပါတယ်။

သတင်း

စစ်တပ်က အင်း​တော်မှာပြည်သူ ၁ဦးကိုသတ်ပြီး ၁ ဦးကိုဖမ်း​​ခေါ်သွား

Facebook