အာဏာသိမ်းစစ်ကောင်စီတပ်၏ အမှတ်(၄၀၂) အမြောက်တပ်မှ တပ်သားတစ်ဦး လက်နက်နှင့်အတူ CDM ပြုလုပ်လာကြောင်းသထုံမြို့နယ် ပြည်သူ့ကာကွယ်ရေးတပ်ဖွဲ့(ပကဖ)က သတင်းထုတ်ပြန်သည်။
သထုံမြို့ ကြာပန်း-ဝီယော် ခရိုင်ချင်းဆက်လမ်းရှိ (၄၀၂) အမြောက်တပ်ရင်းမှ တပ်သားမောင်ထွန်းထွန်းသည် အကြမ်းဖက်စစ်ကောင်စီ၏ ပြည်သူများအပေါ် မတရားနှိပ်စက်အနိုင်ကျင့်နေမှုအား မနှစ်မြို့၍ အကြမ်းဖက်စစ်တပ်အားစွန့်ခွာပြီး ဇွန်လ ၂၀ရက်တွင် သထုံ(ပကဖ) ထံ အလင်းဝင်လာသည်ဟု ဖော်ပြထားသည်။
အဆိုပါ စစ်ကောင်စီတပ်သားနှင့်အတူ MA1သေနတ် တစ်လက် ကျည်ဘောက် ၂ခု၊ ကျည် ၁၂၀ တောင့်၊ လက်ပစ်ဗုံးတစ်လုံးတို့ပါရှိ၍ ကရင်အမျိုးသားအစည်း အရုံး(KNU) တပ်မဟာ(၁) တပ်ရင်း(၂)တပ်ရင်းမှူးထံ အပ်နှံပေးခဲ့သည်ဟု ဆိုသည်။
ထိုသို့ လက်နက်နှင့် CDM ပြုလုပ်လာသည့် စစ်ကောင်စီတပ်သား ရသင့်ရထိုက်သည့် အခွင့်အရေးများအား တပ်ရင်းမှူး၊ တပ်မဟာမှူးတို့က စီစဉ်ပေးလျက်ရှိကြောင် ဖော်ပြထားသည်။
အဆိုပါ စစ်သားသည် သထုံမြို့တွင် လက်နက်နှင့် CDM ပြုလုပ်သည့် ပထမဆုံးစစ်ကောင်စီတပ်သား ဖြစ်ကြောင်း၊ ၎င်းကိုပြည်ပရောက် ပြည်သူများက ချက်ချင်းပင် ဘတ် ၅၀,၀၀၀ ထောက်ပံ့ပေးလာကြောင်း သထုံ(ပကဖ)က ထုတ်ပြန်သည်။
ရှေ့ဆက်ပြီး CDMပြုလုပ်လိုသော စစ်သားနှင့်ရဲများအနေဖြင့် သထုံ ပြည်သူ့ကာကွယ်ရေးတပ်ဖွဲ့၏ Facebook page သို့ ဆက်သွယ်နိုင်ကြောင်းလည်း အသိပေးထားသည်။