'/%3E%3C/svg%3E){kind=small}
မြန်မာ့အရေးကြားဝင်ညှိနှိုင်းဖြေရှင်းဖို့ ခန့်အပ်ထားတဲ့ အာဆီယံအထူးကိုယ်စားလှယ် ကမ္ဘောဒီးယား နိုင်ငံခြားရေးဝန်ကြီး ပရက်ဆွန်ခွန်ဟာ ဒုတိယအကြိမ်မြောက် ခရီးစဉ်အဖြစ် မနက်ဖြန်မှာ မြန်မာနိုင်ငံကိုလာရောက်မယ်လိုသိရပါတယ်။
ခရီးစဉ်ဟာ ဇွန်လ ၂၉ ရက်ကနေ ဇူလိုင်လ ၃ ရက်အထိ ကြာမြင့်မယ်လို့ကမ္ဘောဒီးယားနိုင်ငံခြားရေးဝန်ကြီးဌာနက ထုတ်ပြန်ပါတယ်။
ပထမအကြိမ်ခရီးစဉ်အတွင်းမှာလည်း တွေ့ဆုံသင့် တွေ့ဆုံထိုက်သူတွေနဲ့တွေ့ဆုံခွင့်ရဖို့ အာဆီယံအထူးကိုယ်စားလှယ်ဟာတောင်းဆိုခဲ့ပေမယ့် ဒေါ်အောင်ဆန်းစုကြည်နဲ့တွေ့ဆုံခွင့်မရခဲ့သလိုစစ်ကောင်စီ စီစဉ်ပေးတဲ့သူတွေနဲ့သာ တွေ့ဆုံခဲ့ရပြီး ခရီးစဉ်အဆုံးသတ်ခဲ့ရတာပါ။
ဒီတခေါက်ခရီးစဉ်မှာလည်း ဒေါ်အောင်ဆန်းစုကြည်နဲ့တွေ့ဆုံခွင့်ရဖို့မသေချာသေးပါဘူး။စစ်ကောင်စီဘက်က အမှုရင်ဆိုင်နေရသူနဲ့ ပေးတွေ့ဖို့ မရှိဘူးလို့ ထုတ်ပြောထားတာရှိပါတယ်။
Public Service Announcement
