▪️KIA နှင့် PDF ပူးပေါင်းတပ်များ တိုက်ခိုက်ခဲ့ခြင်းဖြစ်ပြီး သုံ့ပန်းများကို ကောင်းမွန်စွာထိန်းသိမ်းထားဟု အသိပေး
စစ်ကိုင်းတိုင်း ဗန်းမောက်မြို့နယ်တောင်ပိုင်း၌ ကချင်လွတ်လပ်ရေးတပ်မတော်(KIA)၊ ပြည်သူ့ကာကွယ်ရေးတပ်(PDF) ပူးပေါင်းအဖွဲ့နှင့် စစ်ကောင်စီတပ်တို့ နှစ်ရက်ဆက် တိုက်ပွဲဖြစ်ခဲ့ရာ စစ်ကောင်စီတပ်မှ ၅ဦးသေဆုံးပြီး ၅ဦးကို အရှင်ဖမ်းမိခဲ့ကြောင်း Banmauk Revolution က ဖော်ပြသည်။
ဗန်းမောက်တောင်ပိုင်း စီးမော်နှင် သောင်ကြီးရွာအနီးတွင် ဇွန်လ ၂၈ရက် ညပိုင်းနှင့် ယနေ့ နံနက်ပိုင်း၌ KIA ၊ ကသာခရိုင် တပ်ရင်း(၂) (ဗန်းမောက် PDF+အင်းတော်PDF) ၊ ဒေသခံကာကွယ်ရေးပူး ပေါင်းတပ်များ နှင့် စစ်ကောင်စီတို့ ရင်ဆိုင်တိုက်ပွဲဖြစ်ခဲ့သည်ဟု ဆိုသည်။
အဆိုပါ တိုက်ပွဲတွင် စစ်ကောင်စီတပ်မှ ၅ဦးသေဆုံးပြီး ၅ဦး အရှင်ဖမ်းမိကာ လက်နက်များသိမ်းဆည်းရရှိခဲ့ကြောင်း၊ ဖမ်းဆီးရရှိထားသော သုံ့ပန်းများကို လမ်းညွှန်ချက်နှင့်အညီ ကောင်းမွန်စွာထိန်းသိမ်းထားကြောင်း ထုတ်ပြန်သည်။
ရရှိထားသော သက်သေခံပုံများကို လုံခြုံရေးအတွက် လက်ရှိအချိန်တွင် မပြသသေးဘဲ သင့်လျော်သောအချိန်တွင် ထုတ်ပြန်ပေးသွားမည် ဖြစ်ကြောင်း အသိပေးထားသည်။
Public Service Announcement
အဆိုပါ တိုက်ပွဲများ၌ ဒေသကာကွယ်ရေးပူးပေါင်းတပ်များမှ ထိခိုက်မှုမရှိကြောင်း ထုတ်ပြန်ခဲ့သည်။
