မန္တလေးမြို့ရဲ့ ထင်ရှားတဲ့နိုင်ငံရေးသမားဖြစ်သူ အမျိုးသားဒီမိုကရေစီအဖွဲ့ချုပ် မန္တလေးတိုင်း ဒုတိယဥက္ကဋ္ဌ ဒေါ်ဝင်းမြမြကို စစ်ကောင်စီက မတည်မငြိမ်ဖြစ်အောင်လှုံဆော်မှု နဲ့မနေ့က ထောင်ဒဏ် ၃ နှစ်ချလိုက်ပါတယ်။
အသက် ၇၃ နှစ်အရွယ် ဒေါ်ဝင်းမြမြဟာ ၂၀၂၀ အထွေထွေရွေးကောက်ပွဲမှာ စဉ့်ကိုင်မြို့နယ် ပြည်သူ့လွှတ်တော် ကိုယ်စားလှယ်နေရာကနေ ဝင်ပြိုင်ရာ မဲအပြတ်အသတ်နဲ့ပြိုင်ဘက်တွေကိုအနိုင်ရခဲ့သူအမျိုးသမီးကြီးလည်းဖြစ်ပါတယ်။
စစ်တပ်အာဏာသိမ်းပြီးနောက် ရက်သတ္တပတ် နှစ်ပတ်လောက်အကြာမှာ ဖမ်းဆီးခံရပြီး အိုးဘိုထောင်မှာ ချုပ်နှောင်ခံခဲ့ရတာပါ။ ဒေါ်ဝင်းမြမြကို ဆန္ဒပြပွဲတွေဖြစ်အောင်ဆူပူလှုံဆော်တယ်ဆိုပြီး ရာဇသတ်ကြီး ပုဒ်မ ၅၀၅ (က) နဲ့ စစ်ကောင်စီက တရားစွဲကာ တစ်နှစ်ကျော်အကြာမှာ ထောင်ချလိုက်တာဖြစ်ပါတယ်။
ဒေါ်ဝင်းမြမြဟာ မန္တလေးသူဖြစ်ပြီး NLD ပါတီစတင်တည်ထောင်ချိန်ကတည်းကပါဝင်ခဲ့တဲ့ အမာခံပါတီဝင်တစ်ဦးဖြစ်ပါတယ်။
Public Service Announcement
စစ်အစိုးရလက်ထက်မှာ နိုင်ငံရေးလှုပ်ရှားမှုတွေကြောင့်အကြိမ်ကြိမ်ထောင်ကျခဲ့ပေမယ့် အသိမိတ်ဆွေတွေက ဒေါ်ဝင်းမြမြဟာ စိတ်ဓာတ်ခိုင်မာပြီး ယုံကြည် ရပ်တည်ချက်ပြတ်သားသူဖြစ်တယ်လို့ အသိအမှတ်ပြုကြပါတယ်။
