ရမည်းသင်းမြို့မှ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ၏ ၂၀၂၀ ရွေးကောက်ပွဲရှုံး အမတ်လောင်း ဦကျော်မြင့်၏နေအိမ်ကို ယနေ့ညနေတွင် ဗုံးဖြင့်ပစ်ခတ်တိုက်ခိုက်ခဲ့ကြောင်း ရမည်းသင်း PDF (Y-PDF) ကထုတ်ပြန်သည်။
ယနေ့ည ၆ နာရီ ၅၀ ခန့်က ရမည်းသင်းမြို့အုန်းပင်ရပ်ကွက်ရှိ ကြံ့ခိုင်ရေးအမတ်လောင်း ဦးကျော်မြင့်၏နေအိမ်အား ဗုံးတစ်လုံးဖြင့် ဖောက်ခွဲတိုက်ခိုက်ခဲ့ခြင်းဖြစ်ကြောင်းဖော်ပြသည်။
“အိမ်ရှေ့အဝင်ပေါက် တံခါးမကြီးရှေ့ကို ကျတာ။ ထိခိုက်ပျက်စီးမှုကတော့ စုံစမ်းနေဆဲပါဗျ။ ထိတာကတော့ထိတယ် အနည်းအများပဲဗျ “ဟု Y-PDFမှ တော်လှန်ရေးရဲဘော်တစ်ဦးက လူထုနွေဦးသို့ ပြောသည်။
စစ်ကောင်စီတပ်၏ထောက်တိုင်တစ်ခုဖြစ်သောပြည်ခိုင်ဖြိုးပါတီကိုဦးဆောင်ပြီး စစ်ကောင်စီတပ်၏ ငြိမ်းချမ်းရေးဆွေးနွေးမှုအပေါ် ကြိုဆိုထောက်ခံပွဲကို ရမည်းသင်းမြို့၌ ဇွန် ၄ ရက်က ပြုလုပ်ခဲ့သည်။
Public Service Announcement
“မြို့ထဲမှာ တပ်ထောက်ခံပွဲကိုဦးစီးလုပ်ကိုင်ပြီး ပြည်သူတွေကို စကစ မှိုင်းဆွဲအောင် လှုံ့ဆော်နေလို့ပါ”ဟုအထက်ပါတတော်လှန်ရေးရဲဘော်က ဦးကျော်မြင့်အားတိုက်ခိုက်သည့်အကြောင်းရင်းကို ပြောသည်။
ရမည်းသင်းPDFအနေဖြင့် အကြမ်းဖက်စစ်ကောင်စီနှင့် ထောက်တိုင်များကို အလျဥ်းသင့်လျှင်သင့်သလိုတိုက်ခိုက်သွားမည်ဖြစ်သောကြောင့် စစ်ကောင်စီတပ်များနှင့် ဝေးဝေးနေကြရန်နှင့် ပြည်သူများမှဝိုင်းဝန်းကူညီပေးကြရန် မေတ္တာရပ်ခံထားသည်။
ရမည်းသင်းPDF သည် ဧပြီ ၁၃ ရက်ကလည်းစစ်ကောင်စီအလိုကျ ဟန်ပြသကြ်န်ကိုဦးဆောင် လုပ်ကိုင်ခဲ့သော ထူးပန်းခြံပိုင်၏ ကိုယ်ပိုင်အထက်တန်းကျောင်းမှ ကားတစ်စီးကို သတိ့ပေးသည့်အနေဖြင့်ဗုံးဖောက်ကွဲခဲ့သည်။
