ကေအဲန်ယူ-ကရင်အမျိုးသားအစည်းအရုံး ထိန်းချုပ်နယ်မြေ ခလယ်လွီထူခရိုင် လယ်ဒို(ကျောက်ကြီး)မြို့နယ်အတွင်းရှိ လော်မူပယ်ကျေးရွာထဲကို စစ်တပ်ဝင်လာပြီး ရွာသားတွေကိုပစ်သတ်ကာ နေအိမ်တွေကို မီးရှို့ဖျက်ဆီးခဲ့တယ်လို့ ကေအဲန်ယူက သတင်းထုတ်ပြန်ထားပါတယ်။
မနေ့ ဇူလိုင် ၂ ရက်က ဖြစ်ပွားခဲ့တာဖြစ်ပြီး စစ်ကောင်စီတပ်က စစ်ကောင်စီတပ်ရဲ့ ဗိုလ်မှူးဇေယျာလင်းဦးဆောင်တဲ့ ခမရ (၄၃၉)၊ ခလရ (၆၀)နဲ့ ခမရ (၅၃၁)တို့ပူးပေါင်းပြီး လော်မူပယ်ကျေးရွာနောက်ဖက်သို့ဝင်လာကာ ဒေသခံပြည်သူ ၄ ဦးကို ပစ်သတ်ခဲ့ပြီး အမျိုးသားတစ်ဦးမှာလည်း ဒဏ်ရာရရှိခဲ့တယ်လို့ ကေအဲန်ယူက ဆိုပါတယ်။
ဒါ့အပြင် လော်မူပယ်ကျေးရွာရှိ နေအိမ် (၁၂) လုံး၊ ဆိုင်ကယ် (၁၃)စီး၊ ကားတစ်စီးနဲ့ စက်ဘီးအချို့ကို မီးရှို့ ဖျက်ဆီးခဲ့ပြီး လတ်တလောအချိန်မှာ ခလယ်လွီထူ(ညောင်လေးပင်)ခရိုင် တပ်မဟာ ၃ နယ်မြေအတွင်းမှာ စစ်ကောင်စီတပ်က ထိုးစစ်ဆင်မှုများပြာလာတယ်လို့ ကေအဲန်ယူရဲ့ထုတ်ပြန်ချက်အရ သိရပါတယ်။
ကေအဲန်ယူ-လယ်ဒိုမြို့နယ်အတွင်းမှာ စစ်ကောင်စီတပ်ရဲ့ စစ်ရေးလှုပ်ရှားမှုကြောင့် ဒေသခံပြည်သူ (၁၆၀၀၀) ကျော် ဘေးလွတ်ရာကို ထွက်ပြေးတိမ်းရှောင်နေခဲ့ရပြီး စစ်ကောင်စီရဲ့ တိုက်ခိုက်မှုကြောင့် ဒေသခံပြည်သူတွေ ထိခိုက်သေဆုံးဒဏ်ရာရရှိခဲ့တာတွေလည်း ရှိနေတာဖြစ်ပါတယ်။
Public Service Announcement
