Connect with us

Hi, what are you looking for?

LuduNwayOo

သတင်း

ကျောက်ကြီးမြို့နယ်တွင်စစ်ကောင်စီတပ်နှင့်KNLAပူးပေါင်းတပ်များ တိုက်ပွဲဖြစ်၊ တပ်ရင်းမှူးအပါအဝင် စစ်သား ၁၀ဦးသေ

ဇူလိုင် ၅ ရက်နေ့ညပိုင်းက စစ်ကောင်စီတပ်မှ ကျောက်ကြီးမြို့ပေါ်တွင် လက်နက်ကြီးဖြင့်ရမ်းသမ်းပစ်ခတ်မှုကြောင့် သိမ်တန်းရပ်ကွက်၊ ဗောဓိကုန်းရှိ ပြည်သူပိုင်နေအိမ်လေးလုံး လက်နက်ကြီးထိမှန်ပျက်ဆီးခဲ့သည်။

(PDF တပ်ရင်း ၃၇၀၂ မှရဲဘော်များ)
(PDF တပ်ရင်း ၃၇၀၂ မှရဲဘော်များ)

ပဲခူးတိုင်း ကျောက်ကြီးမြို့နယ်တွင်စစ်ကောင်စီတပ်နှင့် ကရင်အမျိုးသားလွတ်မြောက်ရေးတပ်မတော် KNLA တို့တိုက်ပွဲဖြစ်ပွားပြီး စစ်ကောင်စီတပ်မှ ၁၀ ဦးသေဆုံးကြောင်း ပူးပေါင်းဆင်စစ်ရေးတွင်ပါဝင်သည့် ပြည်သူ့ကာကွယ် ရေးတပ်ဖွဲ့(ရိုးမ)၊ ပဲခူးတိုင်းတပ်ရင်း ၃၇၀၂ မှ ယနေ့(ဇူလိုင် ၁၁ ရက်)ထုတ်ပြန်သည်။

ယနေ့နံနက် ၃ နာရီခန့်တွင် ကျောက်ကြီးနယ်၊ အင်းနက်ရွားသို့ အကြမ်းဖက်စစ်ကောင်စီတပ်များဝင်ရောက်လာပြီးနံနက် ၈ နာရီခန့်တွင် KNLA နှင့် ထိတွေ့တိုက်ပွဲဖြစ်ပွားခဲ့ကြောင်း ဖော်ပြသည်။

Public Service Announcement

Public Service Announcement

နှစ်ဖက်ထိတွေ့တိုက်ပွဲတွင် အကြမ်းဖက်စစ်ကောင်စီတပ်မှ တပ်ရင်းမှူးတစ်ဦးအပါအဝင် ၁၀ ဦးသေဆုံးပြီး ၁၀ ဦးခန့်မှာ ဒဏ်ရာပြင်းထန်သဖြင့်ကျောက်ကြီးဆေးရုံသို့ပို့ကြောင်း
ထုတ်ပြန်ချက်က ဆိုသည်။

“(တိုက်ပွဲက)အခုထိတော့ငြိမ်နေတယ်။ခွေးတွေ(အကျအဆုံးများလို့) စိတ်တအားဆိုးနေတယ်”ဟု PDF တပ်ရင်း ၃၇၀၂ မှ တာဝန်ရှိသူတစ်ဦးက ပြောသည်။

အကြမ်းဖက်စစ်ကောင်စီတပ်မှ သေဆုံးစစ် သားများ ၁၀ ဦးကို အင်းနက်ရွာတွင် ထားခဲ့ပြီး ယနေ့နေ့လယ်ပိုင်းလောက်အထိ နတ်သံကွင်းနှင့် ကျောက်ကြီးကြားမှနေ၍ အင်းနက်ရွာဘက် လက်နက်ကြီးဖြင့် ရမ်းသမ်းပစ်ခတ်ခဲ့သည်ဟု ၎င်းက ဆက်ပြောသည်။

လက်ရှိအခြေအနေတွင် အကြမ်းဖက်စစ်ကောင်စီဘက်မှ ပစ်ခတ်မှုမရှိတော့ဘဲ ငြိမ်နေပြီး တော်လှန်ရေးတပ်ဖွဲ့ဝင်များမှာအခြေအနေစောင့်ကြည့်လျှက်အသင့်ပြင်ထားကြောင်း သိရသည်။

Public Service Announcement

Public Service Announcement

ဇူလိုင် ၅ ရက်နေ့ညပိုင်းက စစ်ကောင်စီတပ်မှ ကျောက်ကြီးမြို့ပေါ်တွင် လက်နက်ကြီးဖြင့်ရမ်းသမ်းပစ်ခတ်မှုကြောင့် သိမ်တန်းရပ်ကွက်၊ ဗောဓိကုန်းရှိ ပြည်သူပိုင်နေအိမ်လေးလုံး လက်နက်ကြီးထိမှန်ပျက်ဆီးခဲ့သည်။