မန္တလေးတိုင်း၊ နွားထိုးကြီး – တောင်သာလမ်းပေါ်တွင် ယမန်နေ့ညက အကြမ်းဖက်စစ်ကောင်စီ ယာဥ်နှစ်စီး မိုင်းခွဲတိုက်ခိုက်ခံရပြီး ငါးဦးသေဆုံး ကြောင်း နွားထိုးကြီး PDFအဖွဲ့က သတင်း ထုတ်ပြန်သည်။
ယမန်နေ့ (ဇူလိုင် ၁၇ ရက်) ည ၁၀နာရီခန့်က နွားထိုးကြီးဘက်မှ တောင်သာမြို့ ဘက်သို့ စစ်ကောင်စီတပ်ဖွဲ့ဝင်များလိုက်ပါလာသော အိမ်စီးကား မှန်လုံနှစ်စီးအား နွားထိုးကြီး – တောင်သာ နယ်အစပ်အရောက်တွင် နွားထိုးကြီး PDFအဖွဲ့က မိုင်းဆွဲတိုက်ခိုက်ခဲ့ခြင်း ဖြစ်သည်။
စစ်ကောင်စီတပ်ဘက်က ပြန်လည်ရမ်းသမ်းပစ်ခတ်ခဲ့သောကြောင့် ပြန်လည်ပစ်ခတ်ခဲ့ပြီး အကြမ်းဖက်အုပ်စုထွက်ပြေးမောင်းနှင်သွားကြောင်း၊ အဆိုပါတိုက်ခိုက်မှုတွင် စစ်ကောင်စီ တပ်ဘက်က ငါးဦးသေဆုံးကြောင်း နွားထိုးကြီး PDFက ပြောသည်။
ဖြစ်စဥ်နှင့်ပတ်သက်၍ နွားထိုးကြီး PDFတာဝန်ရှိသူက “အရပ်ဝတ်တွေနဲ့ပါ။ အရာရှိလိုက်ပို့ တယ်တော့ကြားတယ်ဗျ။”ဟု ပြောသည်။
Public Service Announcement
စစ်ကောင်စီတပ်၏ သေဆုံးထိခိုက်မှုအခြေအနေနှင့်ပတ်သက်၍ ထပ်မံ အတည်ပြုနိုင်ခြင်း မရှိသေးပေ။
နွားထိုးကြီး PDFအဖွဲ့သည် ယခင်ရက်ပိုင်းအတွင်းကလည်း နွားထိုးကြီး – မြင်းခြံ လမ်းပေါ်တွင် စစ်ကောင်စီယာဥ်တစ်စီးအား မိုင်းဆွဲတိုက်ခိုက်ခဲ့သေးသည်။
