စစ်​ကောင်စီတပ်နှင့်ပျူများ၏ပူး​ပေါင်းစစ်​ကြောင်းကိုမင်းကင်းPDF ​က​စောင့်၍တိုက်ခိုက်ရာပြန်လည်ဆုတ်ခွာ

စစ်ကိုင်းတိုင်း၊ မင်းကင်းမြို့ပေါ်မှ စစ်ကြောင်းထိုးဆင်းလာသော အကြမ်းဖက်စစ်တပ်နှင့်ပျူပူးပေါင်းစစ်ကြောင်းအား ​စောင့်၍တိုက်ခိုက်ခဲ့ရာ ပြန်လည်ဆုတ်ခွာသွားကြောင်း မင်းကင်းမြို့နယ်ပြည်သူ့ကာကွယ်ရေးတပ်ဖွဲ့ကသတင်းထုတ်ပြန်သည်။

ပြီးခဲ့သည့် ဇူလိုင်လ ၁၈ ရက်၊ နံနက် ၉နာရီခွဲအချိန်ခန့်က မင်းကင်းမြို့တွင်တပ်စွဲထားသော အကြမ်းဖက်စစ်တပ်နှင့်ပျူ အင်အား(၅၀)ခန့်သည် မင်းကင်းမြို့နယ် နိဗ္ဗိန္ဒတောဘက်မှတဆင့် စစ်ကြောင်းထိုးလာရာ မင်းကင်းမြို့နယ် ပြည်သူ့ကာကွယ်ရေး တပ်ရင်း(၃) နှင့်တိုက်ပွဲဖြစ်ပွားခဲ့ခြင်းဖြစ်ကြောင်း MK PDF ၏ ထုတ်ပြန်ချက်တွင်ဖော်ပြသည်။

အဆိုပါတိူက်ပွဲတွင် ပြည်သူ့ကာကွယ်ရေးတပ်သားများ အထိအခိုက်မရှိခဲ့ဟုဆိုသည်။

ပြည်သူ့ကာကွယ်ရေးဘက်မှအပြင်းအထန်ပစ်ခတ်မှုကြောင့် အကြမ်းဖက်စစ်သားများပြန်လည်ဆုတ်ခွာသွားပြီး လမ်းရှိပြည်သူ ၂ဦးကိုဖမ်းဆီးခေါ်ဆောင်သွားကာငွေများလုယက်၍ လူကိုပြန်လွှတ်ပေးခဲ့သည်ဟု သိရသည်။

Public Service Announcement

အကြမ်းဖက်စစ်တပ်ဘက်က တပ်သားအချို့သည် တိုက်ပွဲအတွင်း နားနှင့် ပါးစပ်များအတွင်းမှ သွေးများထွက်ကာ သေဆုံးမှုများရှိနိုင်ကြောင်း MKPDFက အသိပေးသည်။

“အဲဒီနေ့ကတည်းက ဗိုလ်တစ်ကောင်ကြွတယ်လို့ ကြားတယ်။”ဟု မင်းကင်းဒေသခံတစ်ဦးက ပြောသည်။

ဖြစ်စဥ်နှင့်ပတ်သက်၍ မင်းကင်းမြို့နယ် ပြည်သူ့ကာကွယ်ရေးတပ်ဖွဲ့ထံ ​ဆက်သွယ်မေးမြန်းထားပြီး ပြန်လည်ဖြေကြားခြင်းမရှိသေးပေ။

ပြီးခဲ့သည့် ဇူလိုင်လ ၃ရက်နေ့ကလည်း မင်းကင်းမြို့နယ် ပြည်သူ့ကာကွယ်ရေးတပ်ဖွဲ့ တပ်ရင်း(၃)ထောင်ထားသော မိုင်းမိကာ အကြမ်းဖက်စစ်သားနှစ်ဦး သေဆုံးခဲ့သေးသည်။