ပြည်သူများဆင်ရဲကြပ်တည်းအောင် ဆက်လုပ်နေပါက အသေဆိုးနှင့်သေရမည်ဟု စစ်ကောင်စီခန့်အုပ်ကြီးနှင့် ရပ်ကျေးအုပ်ချုပ်ရေးအဖွဲ့အား တကောင်း PDF က ယနေ့(ဇူလိုင် ၂၄)တွင် သတိ ပေးချက် ထုတ်ပြန်လိုက်သည်။
တကောင်းမြို့ ဖုန်ကုန်းအုပ်စု အင်ပျံကျေးရွာမှ စစ်ကောင်စီခန့်အုပ်ချုပ်ရေးမှူးနှင့်အဖွဲ့သည် အင်ပျံရွာပြည်သူများထံမှ တစ်အိမ်ထောင်လျှင် ငွေကျပ် ၁၅,၀၀၀ ကောက်ခံနေပြီး တောင်းသည့်ငွေအားမပေးပါက စစ်တပ်ကိုခေါ်၍ နေအိမ်များဖျက်ဆီးစေမည်ဟု ခြိမ်းခြောက်နေကြောင်း ဖော်ပြသည်။
ထိုသို့ စစ်ကောင်စီအားပေးလုပ်ဆောင်နေသူများမှာ အင်ပျံကျေးရွာမှ စစ်ကောင်စီခန့်အုပ်ချုပ်ရေးမှူး ဦးကျော်ထွန်းနှင့် အဖွဲ့ဝင်များဖြစ်သော ဦးသိန်းထွန်း၊ ဦးတင်မော်၊ ဦးအောင်ညွန့်ဆိုသူများဖြစ်ပြီး ပြည်သူများဆင်းရဲ ကြပ်တည်းမှုကို လက်လျှူရှု့ကာ တစ်ဘို့ထဲကြည့်၍ ယခုလိုဆက်လုပ်နေလျှင် အသေဆိုးနှင့် သေရမည်ဖြစ်ကာ အ သိ၊ သတိရှိစေရန် သတိပေးတားမြစ်သည်ဟု ထုတ်ပြန် သည်။
“ခုသတိပေးစာထုတ်တာကို သူတို့ကြားသိရမှာပါ။ ရှေ့ ဆက်တိုးပြီး မရပ်ရင်တော့ ဘာမှမလုပ်နိုင်ဘူးလို့ထင်နေတဲ့ ပြည်သူတစ်ချို့နဲ့ ဒလန်၊ ပျူအုပ်စုကို လက်တွေ့ပြလုပ်ဆောင်သွားပါမယ်”ဟု တကောင်း PDF မှ တော် လှန်ရေးရဲဘော်တစ်ဦးက ပြောသည်။
Public Service Announcement
အဆိုပါ စစ်ကောင်စီခန့်အုပ်ချုပ်ရေးမှူးများ၏ လုပ်ရပ်များကို ပြည်သူကတိုင်ကြားလာခြင်းကြောင့် သက်ဆိုင် ရာအုပ်ချုပ်ရေးမှူးများနှင့်ပတ်သက်ပြီး သတိပေးစာအကြိမ်ကြိမ်ထုတ်ခဲ့သော်လည်း ဂရုမပြု အထင်သေးသည့်သဘောဖြင့် ယခုကဲ့သို့လုပ်ဆောင်နေသည့်အပေါ် မလိုက်နာသူကို အရေးယူတော့မည်ဟု သတိပေးထား သည်။
