ဆားလင်းကြီးတွင် စစ်ကောင်စီတပ်နှင့် PDFတပ်ပေါင်းစုတိုက်ပွဲဖြစ်

စစ်ကောင်စီတပ်သား ၁၁ဦးခန့်သေဟုဆို၊ စစ်တပ်က ဒေသခံပြည်သူလေးဦးကို သတ်ဖြတ်သွားစစ်ကိုင်းတိုင်း၊ ဆားလင်းကြီးမြို့နယ်၊ ဒူးထောက်ကျေးရွာတွင် အကြမ်းဖက် စစ်ကောင်စီတ​ပ်နှင့် PDF တပ်ပေါင်းစုတို့ တိုက်ပွဲဖြစ်ပွားပြီး စစ်ကောင်စီ တပ်သား ၁၁ဦးခန့် သေဆုံးနိုင်ကြောင်း အနောက်မြောက်တိုင်းမဟာမိတ် PDF တပ်ပေါင်းစုက သတင်းထုတ်ပြန်သည်။

ဇူလိုင် ၂၉ရက် နံနက် ၁၀နာရီခန့်က စစ်ကောင်စီတပ်သည် ဆားလင်းကြီး မြို့နယ်၊ ဒူးထောက်ကျေးရွာသို့ ဝင်ရောက်လာရာ အနောက်မြောက်တိုင်း မဟာမိတ် PDF တပ်ပေါင်းစုနှင့် တိုက်ပွဲဖြစ်ပွားခဲ့သည်။

အပြန်အလှန်ထိတွေ့တိုက်ပွဲဖြစ်ပွားမှု ၁နာရီခွဲခန့် ကြာမြင့်ခဲ့ပြီး စစ်ကောင်စီ တပ်သား ၁၁ ဦးခန့် သေဆုံးနိုင်ကြောင်း အနောက်မြောက်တိုင်းမဟာမိတ် PDFတပ်ပေါင်းစုက ထုတ်ပြန်သည်။

တိုက်ပွဲဖြစ်ပွားအပြီး စစ်ကောင်စီတပ်က ဒူးထောက်ကျေးရွာကို မီးရှို့ပြီး ဒေသခံပြည်သူ လေးဦးကို သတ်ဖြတ်သွားခဲ့ကြောင်း PDF တပ်ပေါင်းစုက ပြောသည်။

Public Service Announcement

ဖြစ်စဥ်နှင့်ပတ်သက်၍ အနောက်မြောက်တိုင်းမဟာမိတ် PDF တပ်ပေါင်းစု တာဝန်ရှိသူက “တိုက်ပွဲကရွာထဲမှာဖြစ်တာပါ။ လက်နက်ကြီး၊ လက်နက်ငယ် တွေနဲ့ ဝိုင်းဝန်းပစ်ခတ်ခဲ့တာပါ။သူတို့ မီးရှို့တာကတော့ အိမ်ခြေ ၂၀ လောက်ပါ သွားတယ်။”ဟု ပြောသည်။

ထို့နောက် ပြည်သူ့ရဲဘော်များက ကျေးရွာအတွင်း ပြန်လည်ဝင်ရောက်၍ အသက် (၁၀၆)နှစ်အရွယ် အဘွားအိုနှင့် အခြားသက်ကြီးရွယ်အိုများ၊ ကလေးငယ်များ၊ ပြည်သူအများအပြားကို ကယ်ထုတ်နိုင်ခဲ့ပြီး စစ်တပ်က မီးရှို့ထားခဲ့သော နေအိမ်များအား ပြန်လည်ငြှိမ်းသတ်ပေး နိုင်ခဲ့ကြောင်း PDF တပ်ပေါင်းစုက ပြောသည်။

တပ်ပေါင်းစုရဲဘော်များ အထိအခိုက်မရှိပြန်လည်ဆုတ်ခွာနိုင်ခဲ့ကြောင်း ၎င်းတို့က အသိပေးထားသည်။