ပြည်သူနှစ်ဦး ပစ်သတ်ခံရမှုတွင် အဓိကပါဝင်သူဖြစ်
ပြည်သူနှစ်ဦး ပစ်သတ်ခံရမှုတွင် အဓိကပါဝင်သူဖြစ်ရန်ကုန်တိုင်း၊ တွံတေးမြို့နယ်တွင် စစ်ကောင်စီခန့်အုပ် ချုပ်ရေးမှူး သိန်းဝင်း(ခ)ငပုအား ပစ်ခတ်ရှင်းလင်း အရေးယူဆောင်ရွက်ခဲ့ကြောင်း မြို့ပြပြောက်ကျားတပ်ဖွဲ့ – တွံတေးက ထုတ်ပြန်သည်။
ယမန်နေ့ (သြဂုတ် ၁ ရက်)ည ၈ နာရီခွဲခန့်က တွံတေးမြို့ ကရင်ချောင်း ကျေးရွာအုပ်စု၊ ဘီခိုကျေးရွာနေ အကြမ်းဖက်စစ်ကောင်စီ၏ ထောက်တိုင်ဖြစ်သော အုပ်ချုပ်ရေးမှူး သိန်းဝင်း(ခ) ငပူးအား ၎င်းနေထိုင်ရာကျေးရွာအထိသွားရောက်ပြီး အရေးယူဆောင်ရွက်ခဲ့ခြင်းဖြစ်ကြောင်း ဖော်ပြသည်။
၎င်း သိန်းဝင်း(ခ)ငပူးသည် အပြစ်မဲ့ပြည်သူနှစ်ဦးအား အကြမ်းဖက်စစ်ကောင်စီမှ ပစ်သတ်ခဲ့မှုတွင် အဓိကတာဝန်ရှိသူဖြစ်ပြီး စစ်ကောင်စီနှင့်ပေါင်း၍ ကျေးရွာနေပြည်သူများအား နှိပ်စက်ခြင်း၊ လမ်းသွားလမ်းလာများအားပါးရိုက်ထိုးကြိတ်ခြင်း၊ စစ်တပ်ခေါ်၍ကျေးရွာနေပြည်သူများအားဖိနှိပ်ခြင်း၊ ဆိုင်ကယ်များအား မတရားသိမ်းဆည်းခြင်းတို့ ကျူးလွန်ခဲ့သည်ဟု ဆိုသည်။
“သူ့နည်းတူ စကစနဲ့ပူးပေါင်းနေသေးတဲ့ အုပ်ချုပ်ရေးမှူးတွေကို ဆက်တိုက်အရေးယူရှင်းလင်းသွားမှာပါ”ဟု မြို့ပြပြောက်ကျားတပ်ဖွဲ့ – တွံတေးမှ တော်လှန်ရေးရဲဘော်တစ်ဦးက မှတ်ချက်ပေးသည်။
Public Service Announcement
ထို့ကြောင့် ပြည်သူများအနေဖြင့် အကြမ်းဖက်စစ်ကောင် စီနှင့် ၎င်း၏လက်ပါးစေထောက်တိုင်များအနီးတွင်နေထိုင်ခြင်း၊ ဆက်ဆံခြင်းမပြုကြရန် မေတ္တာရပ်ခံထားပြီးဖြစ်သဖြင့် လိုက်နာပေးကြရန် မြို့ပြပြောက်ကျားတပ်ဖွဲ့ – တွံတေးက ထပ်မံတိုက်တွန်းထားသည်။
