ရေးမြို့ဘက်မောင်းနှင်လာသော စစ်ကောင်စီတပ်ယာဥ်တန်းကို ပစ်ခတ် တိုက်ခိုက်ခံရပြီး ခြောက်ဦးသေဟုဆို

မွန်ပြည်နယ် သံဖြူဇရပ်ဘက်မှ ရေးမြို့နယ်ဘက်သို့ မောင်းနှင်လာသော အကြမ်းဖက်စစ်ကောင်စီ တပ်များလိုက်ပါလာသည့် ယာဥ်တန်းကို ပစ်ခတ်တိုက်ခိုက်ခဲ့ကြောင်း YGF ရေးပြောက်ကျားတပ် ဖွဲ့က ယနေ့(သြဂုတ် ၄)ထုတ် ပြန်သည်။

ယနေ့နံနက် ၁၁ နာရီကျော်က သံဖြူဇရမ်မြို့ဘက်မှ ရေးမြို့နယ်ဘက်သို့ မောင်းနှင်လာသော စစ်ကောင်စီတပ်များလိုက်ပါသည့် ဖောကားနှစ်စီးနှင့် အိမ်စီးကားတစ်စီးတို့အား အောင်သာရွာနှင့် ကဖော့ကနင်ရွာကြားတွင် မဟာ မိတ်များနှင့်အတူ ပစ်ခတ်တိုက်ခိုက်ခဲ့ကြောင်း ဖော်ပြ သည်။

အဆိုပါတိုက်ခိုက်မှုကြောင့် ယာဥ်ပေါ်တွင်လိုက်ပါလာသည့် စစ်ကောင်စီ တပ်သား ခြောက်ဦးခန့် သေဆုံးပြီး အများဒဏ်ရာရသွားကြောင်း ဖော်ပြသည်။

“စကစယာဥ်တန်းတွေနဲ့ အနီးကပ်မလိုက်ဖို့နဲ့ ရောနှောမသွားလာဖို့ ပြည်သူကိူ အသိပေးချင် ပါတယ်။ ကျွန်တော်တို့အနေနဲ့က အများပြည်သူနစ်နာမှုကို ရှောင်ရှားပေမယ့် စကစဘက်က ဖြစ်လာရင် ရှောင်ရှာမှာ အဟုတ်လို့ ကျနော်တို့အနေနဲ့ အများပြည်သူနစ်နာမှာကို မလိုလားလို့ ပြောကြား အသိပေး ချင်ပါတယ်။ ပြည်သူတွေအနေနဲ့ လိုက်နာပေးပါလို့ တောင်းဆိုပါတယ်”ဟု YGF ရေးပြောက်ကျားတပ်ဖွဲ့မှ ရဲဘော်တစ်ဦးက သတင်းစကားပါးသည်။

Public Service Announcement

အထက်ပါတိုက်ခိုက်မှုတွင် YGF ရေးပြောက်ကျားတပ်ဖွဲ့မှ ရဲဘော်တစ်ဦး လက်တွင်ထိခိုက် ဒဏ်ရာရခဲ့ပြီး ကျန်ရဲဘော်များအားလုံး အထိအခိုက်မရှိ ခဲ့ကြောင်း ထုတ်ပြန်ထားသည်။