ချင်းပြည်နယ် တီးတိန်မြို့နယ် ဟိုင်မွာလ်ရွာကို စစ်ကောင်စီတပ်က ဝင်ရောက် စီးနင်းပြီး ဖမ်းဆီး သွားသည့် ဆယ်ကျော်သက် မောင်နှစ်မနှစ်ဦးကို ပစ်ခတ် သတ်ဖြတ်ခဲ့သည်ဟု The Chin Journal က ဖော်ပြသည်။
စစ်ကောင်စီတပ်က ဩဂုတ် ၁၄ရက်တွင် ဟိုင်မွာလ်ရွာကို ဝင်ရောက်စီးနင်းပြီး အသက် (၁၇) နှစ်အရွယ် နှင့် အသက် (၁၅)နှစ်အရွယ် မောင်နှစ်မဦးကို ဖမ်းဆီးသွားပြီး ဟိုင်မွာလ်နှင့် ရိခေါ်ဒါရ်အကြား တစ်နေရာ၌ သေနတ်နှင့် ပစ်ခတ်သွားသည်ဟု ဆိုသည်။
အဆိုပါ မောင်နှစ်မ နှစ်ဦး၏ ရုပ်အလောင်းကို ဩဂုတ် ၁၆ရက် မနက်ပိုင်းတွင် ရွာသားများက ပြန်လည်တွေ့ရှိခဲ့ကြောင်း ဖော်ပြထားသည်။
ရိဒ်ခေါ်ဒါရ်မြို့နှင့် ၅မိုင်ခန့်အကွာ မြန်မာ -အိန္ဒိယ နယ်စပ်ရှိ ဟိုင်မွာလ်ရွာကို စစ်ကောင်စီတပ်က ဝင်ရောက်စီးနင်းစဉ် နေအိမ်များကို မီးရှို့ခဲ့ရာ နေအိမ် ၈လုံးမီးလောင် ပျက်စီးခဲ့သည်။ အဆိုပါ ကျေးရွာသည် ဩဂုတ် ၁၀ရက်က တိုက်ခိုက်ခံရသည့် စစ်ကောင်စီတပ်စခန်းနှင့် မျက်နှာချင်းဆိုင် တောင်ကုန်းပေါ် ၌ တည်ရှိကြောင်း The Chin Journalက ဖော်ပြထားသည်။
Public Service Announcement
ဩဂုတ် ၁၀ရက် နံနက်ပိုင်းက ရိခေါ်ဒါရ်မြို့ရှိ စစ်ကောင်စီတပ်စခန်းကို ချင်းပူးပေါင်းတပ်က တိုက်ခိုက် ခဲ့ရာ စစ်ကောင်စီတပ်က ဒုဗိုလ်မှူးကြီး ဝေမျိုးပိုင် အပါအဝင် ၈ဦးသေဆုံးခဲ့ကာ ဗိုလ်ကြီးတစ်ဦး အပါအဝင် ၄ဦးသည် တိုက်ပွဲဖြစ်ပွားစဉ် ထွက်ပြေးခဲ့သည်ဟု PDF-Zoland က ထုတ်ပြန်သည်။
