PDF ကို ထောက်ပံ့တယ်ဆိုပြီး မြန်မာသူရကျောက်မျက်ကုမ္ပဏီပိုင်ရှင်ကိုဖမ်းဆီးပြီး ပိုင်ဆိုင်မှုတွေကို စစ်ကောင်စီချိတ်ပိတ်

PDF ကိုငွေကြေးထောက်ပံ့တယ်ဆိုတဲ့ စွပ်စွဲချက်နဲ့ မန္တလေးကျောက်လောကမှာ လူသိများတဲ့ မြန်မာသူရကျောက်မျက်ကုမ္ပဏီပိုင်ရှင်ကိုကျော်သူရ ကို ဖမ်းဆီးပြီး ပိုင်ဆိုင်မှုနဲ့ လုပ်ငန်းတွေကို စစ်ကောင်စီက သိမ်းဆည်းလိုက်ပါတယ်။

ကိုကျော်သူရကို သြဂုတ်လ ၁၇ ရက်က မန္တလေး ချမ်းအေးသာစံမြို့နယ်ကနေအိမ်မှာဖမ်းမိတာလို့ စစ်ကောင်စီက ဒီနေ့မှာသတင်းထုတ်လာပါတယ်။

မြန်မာသူရကျောက်မျက်ကုမ္ပဏီဟာ NUG ၊ PDF နဲ့ CDM တွေအတွက် ကျပ် သိန်း ၆ ထောင်ကျော် ၊ အမေရိကန်ဒေါ်လာ ၁ သောင်း ၊ ယွမ်ငွေ ၂သောင်းနီးပါး နဲ့ ကားတစ်စီးကို ထောက်ပံ့ခဲ့တယ်လို့ စစ်ကောင်စီရဲ့သတင်းဖြန့်ချက်မှာတွေ့ရပါတယ်။

ဒါကြောင့် မြန်မာသူရကျောက်မျက်ကုမ္ပဏီပိုင်ရှင်ရဲ့ နေအိမ် ၊ ကုမ္ပဏီရုံးခန်း ၊ကုမ္ပဏီအဆောက်အဦး ၊ ဖားကန့်က ကျောက်မျက်လုပ်ကွက်တွေ ၊ ကျောက်စိမ်းတွေ ၊ စက်ယန္တယားတွေကို သိမ်းဆည်းလိုက်တယ်လို့ စစ်ကောင်စီက သတင်းဖြန့်ပါတယ်။

Public Service Announcement

ဒီလို သိမ်းဆည်းလိုက်တဲ့ ပစ္စည်းတန်ဖိုး စုစုပေါင်းဟာ ကျပ်သိန်းပေါင်း ၁၁၈၄၄၉ ခန့်ရှိတယ်လို့ စစ်ကောင်ဏီက သတင်းထုတ်ပါတယ်။

စစ်ကောင်စီရဲ့သတင်းဖြန့်ချက်ထဲမှာ ကုမ္ပဏီပိုင်ရှင် နဲ့ ယာဉ်မောင်းကို ဖမ်းဆီးထားတယ်လို့ သိရပါတယ်။