နာမည်ဆိုးဖြင့်ကျော်ကြားသော ရန်ကုန်မြို့အင်းစိန်အကျဉ်းထောင်အနီးတွင် ယနေ့နံနက်အစောပိုင်းက ပေါက်ကွဲမှုလေးကြိမ်ဖြစ်ပွားခဲ့ကြောင်း ဒေသခံများက ပြောသည်။
ယနေ့(သြဂုတ် ၂၂)နံနက် ၃ နာရီ ၂၀ဝန်းကျင်မှစ၍ ပေါက်ကွဲမှုလေးကြိမ် ဆက်တိုက်ဖြစ်ပွားခဲ့ပြီး အင်းစိန်အကျဉ်းထောင်နှင့် ယင်းထောင်ဝန်ထမ်းများ အထိအခိုက်ရှိ၊မရှိကို မသိရသေးကြောင်း ဒေသခံများက ဆိုသည်။
ရန်ကုန်မြို့ အင်းစိန်ထောင်အနီးတွင် ယနေ့ (ဩဂုတ် ၂၂ ရက်) နံနက် ၃ နာရီ ၂၀မိနစ်အချိန်တွင် အလွန် ပြင်းထန်ကျယ်လောင်သော ဗုံးလေးလုံးပေါက်ကွဲခဲ့ကြောင်း ဒေသခံများက ရန်ကုန်ခေတ်သစ်သတင်းဌာနထံသို့ ပြောဆိုထားသည်။
အလားတူ အင်းစိန်ထောင်နှင့်သိပ်မဝေးလှသည့် ပေါက်တောဝအနီးတွင်လည်း ပေါက်ကွဲသံနှစ်ကြိမ်ကြားရပြီး မည်သည့်နေရာတွင် ဖောက်ခွဲတိုက်ခိုက်ခဲ့သည်ကို အတိအကျမသိရသေးပေ။
Public Service Announcement
ယမန်နေ့ညပိုင်းကလည်း ရန်ကုန်အရှေ့ဒဂုံ၊ သာကေတ၊ လှိုင်သာယာ၊ အလုံအပါအဝင်မြို့နယ်အများအပြားတွင် ပေါက်ကွဲမှုများဖြစ်ပေါ်ခဲ့ကာ အရှေ့ဒဂုံမြို့နယ်ရှိ EPC ရုံးအား HRD နှင့် WOH မြို့ပြပျောက်ကျားတပ်ဖွဲ့များက ဖောက်ခွဲတိုက်ခိုက်ခဲ့ကြောင်း အသိပေးထုတ်ပြန်ထားသည်။
