မန္တလေးစစ်အာဏာရှင်ဆန့်ကျင်ရေးဆန္ဒပြပွဲတွေမှာဦးဆောင်ပါဝင်ခဲ့တဲ့ အခြေခံပညာ ပညာရေးဝန်ထမ်းများအထွေထွေသပိတ်ကော်မတီ ရဲ့ဗဟိုကော်မတီဝင် ဆရာမဒေါ်သက်ဆုလှိုင်ကို စစ်ကောင်စီကအကြမ်းဖက်ဥပဒေ ပုဒ်မ ၅၂(က)နဲ့ ထောင်ဒဏ် ၅ နှစ် မျက်ကွယ်အမိန့်ချလိုက်တယ်လို့သိရပါတယ်။
သြဂုတ်လ ၁၇ ရက်က စွပ်စွဲခံရသူမပါဘဲ မျက်ကွယ်အမိန့်ချလိုက်တာလို့သိရပါတယ်။
ဆရာမ ဒေါ်သက်ဆုလှိုင်ဟာ ၂၀၂၁ခုနှစ် အောက်တိုဘာလ ၃၀ ရက် ညပိုင်းက မန္တလေးမှာ ခိုလှုံနေတဲ့ အိမ် တစ်လုံးမှာ ဖမ်းဆီးခံခဲ့ရတာပါ။
အဲဒီနောက် အကြမ်းဖက်ပုဒ်မ ၅၂(က) ၊ဆူပူအောင်လှုံဆော်မှုရာဇသတ်ကြီးပုဒ်မ ၅၀၅(က)တို့နဲ့တရားစွဲဆိုခံရပြီး အိုဘိုထောင်ကိုပို့ဆောင်ခံလိုက်ရပါတယ်။
Public Service Announcement
စွဲဆိုထားတဲ့ ပုဒ်မ ၂ ခုထဲက ရာဇသတ်ကြီးပုဒ်မ ၅၀၅(က)အတွက်အမိန့်မချသေးပါဘူး။
