နာရေးကူညီမှုအသင်း ဥက္ကဋ္ဌ ဦးကျော်သူရဲ့ မရမ်းကုန်းကအိမ်ကို စစ်ကောင်စီချိတ်ပိတ်

သရုပ်ဆောင်ဦးကျော်သူနဲ့ ဇနီး ဒေါ်ရွှေဇီးကွက်တို့ရဲ့ ရန်ကုန်၊ မရမ်းကုန်းမြို့နယ်၊ အမှတ် ၅ ရပ်ကွက်က နေအိမ်ကို အာဏာသိမ်း စစ်ကောင်စီက ဒီနေ့ သြဂုတ်လ ၂၃ ရက်မှာချိတ်ပိတ်လိုက်ပါတယ်။

ဦးကျော်သူနဲ့ ဒေါ်ရွှေဇီးကွက်တို့ကို ဆူပူအောင်လှုံဆော်မှု ရာဇသတ်ကြီး ပုဒ်မ ၅၀၅ နဲ့ စစ်ကောင်စီက တရားစွဲထားပြီး ဝရမ်းထုတ်ထားပါတယ်။

အဲဒီနောက် ထွက်ပြေးတိမ်းရှောင်တယ်ဆိုပြီး ဝရမ်းထုတ်ကာ မရမ်းကုန်းမြို့နယ် တရားရုံးက ချိတ်ပိတ်ဖို့ အမိန့်ထုတ်လိုက်တာဖြစ်ပါတယ်။

ဒီနေ့မှာ နေအိမ်ကိုချိတ်ပိတ်တဲ့ ဓာတ်ပုံမှတ်တမ်းတွေကို စစ်ကောင်စီရဲ့ သတင်းတွေကို ဝါဒဖြန့်ပေးနေတဲ့ ဖေ့ဘွတ်ခ်အကောင့်တွေမှာ တင်လာတာတွေ့ရပါတယ်။

Public Service Announcement

စစ်တပ်အာဏာသိမ်းပြီးနောက် ဦးကျော်သူ ဥက္ကဋ္ဌအဖြစ် တာဝန်ယူထားတဲ့ နာရေးကူညီမှုအသင်း ရန်ကုန်က ရုံးချုပ်ကို စစ်ကောင်စီတပ်တွေ ဝင်ရောက်ရှာဖွေ ဖျက်ဆီးတာတွေလုပ်ခဲ့ပါသေးတယ်။