စစ်ကိုင်းတိုင်း ကျွန်းလှမြို့နယ်ရှိ ကုန်းစည်းကျေးရွာကို စစ်ကောင်စီတပ်က ယနေ့ (ဩဂုတ် ၂၆ရက်) နံနက်ပိုင်းတွင် မီးရှို့ဖျက်ဆီးနေကြောင်း ကျွန်းလှ တက်ကြွလှုပ်ရှားသူများအဖွဲ့က ထုတ်ပြန်သည်။
သဖန်းဆိပ်ဆည် အနောက်ဖက်ခြမ်းရှိသို့ ရောက် ရှိနေသည့် စစ်ကောင်စီတပ်က ကုန်းစည်းရွာကို ယနေ့ နံနက် ၇နာရီခန့်တွင် မီးရှို့နေခြင်းဖြစ် ကြောင်း ကနဦးသတင်းဖော်ပြထားပြီး အသေးစိတ် အခြေအနေများ စုံစမ်းနေဆဲဖြစ်သည်။
ကန့်ဘလူ-ကျွန်းလှ နယ်စပ်တစ်နေရာတွင် ဩဂုတ် ၂၃ရက်က ဖြစ်ပွားခဲ့သည့် တိုက်ပွဲအတွင်း စစ်ကောင်စီတပ်က သေဆုံးထိခိုက်များပြားပြီး အရာရှိများ အဖမ်းခံခဲ့ရသည်။ ထို့ပြင်လက်နက် ခဲယမ်းများ စွာကို ပြည်သူ့ကာကွယ်ရေးတပ်များက သိမ်းဆည်းရရှိခဲ့သည်။ ထို့ကြောင့် စစ်ကောင် စီတပ်က အဆိုပါဒေသနှင့်နီးစပ်သည့် ကျွန်းလှမြို့နယ် ကျေးရွာအချို့ကို ဩဂုတ် ၂၅ရက် ညနေပိုင်းတွင် လေကြောင်းမှ တိုက်ခိုက်ကာ စစ်အင်အားများ ပို့ဆောင်ခဲ့ခြင်းဖြစ်သည်။
ထိုသို့ ပို့ဆောင်ခဲ့သည့်အနက် ကုန်းစည်းရွာသို့ စစ်အင်အား ၁၈၀ ခန့်တပ်စွဲခဲ့ကြောင်း နှင့်ကျေးရွာသို့ ပြန်လာပြီး အိမ်မွေးတိရိစ္ဆာန်များအား အစာကျွေးသည့် ပြည်သူအချို့နှင့် ရွာထဲပိတ်မိနေသည့် ပြည်သူအချို့ကို စစ်ကောင်စီတပ်က ဖမ်းဆီးခဲ့ကြောင်း ဒေသတွင်းစစ်ရေး အခြေအနေများ ကိုဖော်ပြနေသည့် Infinity Groupက အသိပေးထားသည်။
Public Service Announcement
