Connect with us

Hi, what are you looking for?

LuduNwayOo

သတင်း

ထားဝယ်မြို့ လဝကရုံးနှင့် ကညနရုံးကို ထားဝယ်ပြောက်ကျားတပ်ဖွဲ့ ပစ်ခတ်တိုက်ခိုက်

လဝကရုံးတွင် ပွဲစားလုပ်နေသည့် ယာဉ်ထိန်းရဲဟောင်း ညွှန့်ရွှေအား ပစ်ခတ်ခဲ့ပြီးနောက် ကညနရုံးကိုလည်း အကြမ်းဖက်စစ်ကောင်စီတပ်၏ ရုံးလုပ်ငန်းများလည်ပတ်ကာ ဝင်ငွေရှာပေးနေသော ရုံးဖြစ်သောကြောင့် တိုက်ခိုက်ခဲ့ခြင်းဖြစ်သည်ဟု ဖော်ပြထားသည်။

(လဝကရုံး‌တွင် ပစ်ခတ်ပြီးနောက် တွေ့ရစဥ်၊ ဓာတ်ပုံ - CJ)
(လဝကရုံး‌တွင် ပစ်ခတ်ပြီးနောက် တွေ့ရစဥ်၊ ဓာတ်ပုံ - CJ)

တနင်္သာရီတိုင်း ထားဝယ်မြို့ရှိ လူဝင်မှုကြီးကြပ်ရေး(လဝက)ရုံးနှင့် ကုန်းလမ်းပို့ဆောင်ရေးညွှန်ကြားမှုဦးစီးဌာန(ကညန)ရုံးကို ယနေ့ နေ့လယ်က ပစ်ခတ်တိုက်ခဲ့ကြောင်း Guerrilla Dawei (ထားဝယ်ပြောက်ကျားတပ်ဖွဲ့)က သတင်းထုတ်ပြန်သည်။

လဝကရုံးတွင် ပွဲစားလုပ်နေသည့် ယာဉ်ထိန်းရဲဟောင်း ညွှန့်ရွှေအား ပစ်ခတ်ခဲ့ပြီးနောက် ကညနရုံးကိုလည်း အကြမ်းဖက်စစ်ကောင်စီတပ်၏ ရုံးလုပ်ငန်းများလည်ပတ်ကာ ဝင်ငွေရှာပေးနေသော ရုံးဖြစ်သောကြောင့် တိုက်ခိုက်ခဲ့ခြင်းဖြစ်သည်ဟု ဖော်ပြထားသည်။

လဝကရုံးရှေ့တွင် ပစ်ခံရသည့် ညွှန့်ရွှေသည် ရဲဝန်ထမ်းဟောင်းတစ်ဦးဖြစ်ပြီး အာဏာသိမ်း စစ်ကောင်စီလက်အောက်ခံ ရဲများနှင့် ပက်သက်ကာ ရဲစခန်း၌ ဝင်ထွက်သွား လာနေသူတစ်ဦးဖြစ်သည်ဟု ဆိုသည်။ ထို့အပြင် တရားရုံးများတွင် အခကြေးငွေယူကာ သက်သေလိုက်လုပ်ပေးခြင်း၊ အမှုအာမခံပေးခြင်း၊လဝကနှင့် ကညနတွင် ရုံးပွဲစားလုပ်နေသည့်အပြင် သတင်းပေးတစ်ဦး ဖြစ်သောကြောင့် ရှင်းလင်းခဲ့ရခြင်းဖြစ်သည်ဟု Guerrilla Dawei (ထားဝယ်ပြောက်ကျား တပ်ဖွဲ့)က ထုတ်ပြန်သည်။

ထို့အပြင် စစ်ကောင်စီလက်အောက်ခံရုံးများကို တိုက်ခိုက်သွားမည်ဖြစ်၍ မိဘပြည်သူများအနေဖြင့် စစ်မှန်သော ဖယ်ဒရယ်ဒီမိုကရေစီအစစ်အမှန် လိုလားပါက အကြမ်းဖက်စစ်ကောင် လက်အောက်ခံ ရုံးများသို့ သွားရောက်ခြင်း၊လုပ်ငန်းကိစ္စများဆောင်ရွက်ခြင်းနှင့် ပက်သက်ဆက်နွယ်ခြင်းများ လုံးဝ(လုံးဝ)မပြုလုပ်ကြပါရန်လည်း ထားဝယ်ပျောက်ကျားတပ်ဖွဲ့က မေတ္တာရပ်ခံထားသည်။

“ ကျွန်တော်တို့ Guerrilla Dawei (ထားဝယ်ပြောက်ကျားတပ်ဖွဲ့)က စစ်ကောင်စီလက် အောက်ခံရုံးဌာနများအား တိုက်ခိုက်ချိန်မှာ မိဘပြည်သူများအနေနဲ့ ရုံးလုပ်ငန်းတွေ လာရောက်ဆောင်ရွက်လို ရုံးဧရိယာအတွင်းမှာ မည်သည့်မတော်တစ်ဆထိခိုက်မှုမျိုးကိုမဆို ကျွန် တော်တို့တပ်ဖွဲ့က လုံးဝ(လုံးဝ)တာဝန်ယူမည်မဟုတ်ကြောင်း သတိပေးကြေညာအပ်ပါတယ်”ဟု Guerrilla Dawei (ထားဝယ်ပြောက်ကျားတပ်ဖွဲ့)တာဝန်ခံကို ပီတာက ပြောသည်။

ထို့အပြင် နေ့လယ် ၁၂ နာရီခန့်တွင် ဆိုင်ကယ်စီး လူငယ်နှစ်ဦးက မြို့နယ်လဝကရုံးနှင့် ကညနရုံးကို သေနတ်ဖြင့် ပစ်ခတ်ခဲ့ပြီး အသက် ၆၀အရွယ် အမျိုးသားတစ်ဦး ထိမှန်ခဲ့သည်ဟု မျက်မြင်သက်သေများက ပြောသည်။

ပစ်ခတ်မှုကြောင့် လဝကရုံးနှင့် ကညနရုံးတို့ ထိခိုက်မှုကို မသိရှိရသေးကြောင်း ဒေသခံများကပြောသည်။

You May Also Like

သတင်း

ဒီဇင်ဘာ ၃ ရက် နေ့လယ် ၁၂ နာရီ၄၅ မိနစ်တွင် ယင်းစစ်ဆင်ရေး လုပ်ဆောင်ခဲ့ခြင်းဖြစ်ပြီး သံလျက်မော်အရှေ့ရပ်ကွက်အုပ်ချုပ်ရေးမှူးနှင့် ၎င်း၏နောက်လိုက်တစ်ဦး အပြင်းအထန်ဒဏ်ရာရကြောင်း ၎င်းက ဆိုသည်။

သတင်း

မြင်းမူမြို့ရှိ Non CDMများ၊ စစ်ကောင်စီခန့်အုပ် ချူပ်ရေးမှူးများနှင့် စစ်ကောင်စီထောက်တိုင်မှန်သမျှကို အဓိကပစ်မှတ်ထား တိုက်ခိုက်သွားမည်ဟု အပြင်းအထန်သတိပေးလိုက်ကြောင်း Moe Nyo Revolution Forceအဖွဲ့က အသိပေးသည်။

သတင်း

စစ်ကောင်စီတပ်သည် နိုဝင်ဘာ ၂၅ရက်မှ ဒီဇင်ဘာ ၁ရက်အတွင်း ထီးချိုင့်နယ်ရှိ အလယ်တော၊ ဆူးပုတ် ချောင်၊ အင်ကြင်းကုန်း၊ အင်းတိန်နှင့် လေသာကျေးရွာတို့ကို မီးရှို့ခဲ့ရာ KIA/PDF တို့နှင့်အတူ ဒေသခံများပါပါဝင်ပြီး စစ်ကောင်စီတပ်ကို ခုခံတိုက်ခိုက်ခဲ့သည်ဟု ဆိုသည်။

သတင်း

ယမန်နေ့ နံနက် ၇နာရီခန့်ကလည်း မြောင်းဦးနှင့် ကျပ်ပြင်ရွာကြား ငုတ်ပြွန်အနီးသို့ မောင်းနှင်လာသော စစ်ကောင်စီတပ်၏ ထောက်ပို့ပစ္စည်းများ သယ်ဆောင်လာသည့် ထော်လာဂျီကို နတ်ဆိုး(မြေအောက်တော်လှန်ရေးတပ်ဖွဲ့)က ကြားဖြတ်ဖမ်းဆီးခဲ့သည်။