NUGက စစ်ကိုင်းတိုင်း သုံးမြို့နယ်တွင် ပြည်သူ့ရဲတပ်ဖွဲ့များဖွဲ့စည်း

စစ်ကိုင်းတိုင်းရှိ မြို့နယ်သုံးခုတွင် မြို့နယ်အလိုက် ပြည်သူ့ရဲတပ်ဖွဲ့များဖွဲ့စည်းလိုက်ကြောင်း အမျိုးသားညီညွတ်ရေးအစိုးရ(NUG)၊ ပြည်ထဲရေးနှင့်လူဝင်မှု ကြီးကြပ်ရေးဝန်ကြီးဌာနက ယနေ့(စက်တင်ဘာ ၁)တွင် ထုတ်ပြန်သည်။

အဆိုပါပြည်သူ့ရဲ့တပ်ဖွဲ့များကို ၂၀၂၂ ခုနှစ် ပြည်သူ့ ရဲတပ်ဖွဲ့ဥပဒေပုဒ်မ ၁၄(ခ)အရ ပြည်သူ့ရဲတပ်ဖွဲ့ လက် အောက်တွင်ဖွဲ့စည်းလိုက်ခြင်းဖြစ်ပြီး ကလေးမြို့နယ်ရဲတပ်ဖွဲ့ဘ တမူးမြို့နယ်ရဲတပ်ဖွဲ့နှင့် ဝက်လက်မြို့နယ်ရဲတပ်ဖွဲ့တို့ဖြစ်ကြောင်း ဖော်ပြသည်။

ထိုသို့ဖွဲ့စည်းလိုက်သော မြို့နယ်အလိုက် ပြည်သူ့ရဲတပ်ဖွဲ့များတွင် ကလေးနှင့် တမူးမြို့နယ်များမှ CDM ပြည် သူ့ရဲတပ်ဖွဲ့များမှာ CDM ရဲတပ်ဖွဲ့ ပြည်သူ့အုပ်ချုပ်ရေးကော်မတီဖွဲ့စည်းစဥ်ကတည်းက ပြည်ထဲရေးဌာနနှင့် ချိတ်ဆက်လုပ်ကိုင်ခဲ့ကြောင်း သက်ဆိုင်ရာမြို့နယ် ပြည်သူ့ရဲတပ်ဖွဲ့ဝင်များက ပြောသည်။

အလားတူ ကလေးမြို့နယ် ပြည်သူ့ရဲတပ်ဖွဲ့သည် Kalay Services Police(KSP)အဖြစ်ဖွဲ့စည်းရပ်တည်ခဲ့သည်မှာ တစ်နှစ်ကျော်ရှိပြီဖြစ်ပြီး ဒေသတွင်း တရားဥပဒေစိုးမိုးရေးလုပ်ငန်းများ ဆောင်ရွက်လျှက်ရှိသည်။

Public Service Announcement

NUG အစိုးရ၊ ပြည်ထဲရေးဝန်ကြီးဌာနသည် ၂၀၂၂ ခုနှစ် ဇွန်လတွင် ပြည်သူ့ရဲတပ်ဖွဲ့ရုံးဌာနအား ဖွဲ့စည်းခဲ့ပြီး ရဲချုပ်၊ ဒုရဲချုပ်၊ ရဲဦးစီးချုပ်၊ ရဲရေးချုပ်နှင့် ရဲထောက်ချုပ်ရုံးများပါဝင်ပြီး မှုခင်းတပ်ဖွဲ့၊ သတင်းတပ်ဖွဲ့နှင့် ဌာနကြီးလေးခုအပြင် မြို့နယ်ရဲတပ်ဖွဲ့နှင့် မြို့နယ်ရဲစခန်းများပါဝင်သည်။

ထို့အပြင် CDM ရဲတပ်ဖွဲ့ ပြည်သူ့အုပ်ချုပ်ရေးကော် မတီကရေးဆွဲသော ပြည်သူ့ရဲတပ်ဖွဲ့ဥပဒေမူကြမ်းကို ပြည် ထောင်စုလွှတ်တော်က ၂၀၂၂ ခုနှစ် မေလတွင် အတည် ပြုပြဌာန်းခဲ့သည်။

အဆိုပါ ပြည်သူ့ရဲတပ်ဖွဲ့ဥပဒေ ပုဒ်မ ၁၄(ခ)တွင် ဝန် ကြီးဌာနသည် အမိန့်ကြော်ညာစာ၊ အမိန့်၊ ညွှန်ကြားချက်နှင့် လုပ်ထုံးလုပ်နည်းများကို ထုတ်ပြန်နိုင်သည်ဟု ဖော်ပြထားသည်။