စစ်ကောင်စီတပ် လက်နက်ကြီးများရမ်းပစ်နေ၍ မြဝတီ – ဝေါ်လေလမ်းကို သတိထားအသုံးပြုရန် ကော်ဘရာစစ်ကြောင်းနှိုးဆော်

ကရင်အမျိုးသားအစည်းအရုံး(KNU) တပ်မဟာ (၆)နယ်မြေ မြ၀တီ – ဝေါ်လေလမ်းတဝိုက်သို့ စစ်ကောင်စီတပ်က လက်နက်ကြီးများ ရမ်းသမ်းပစ်ခတ်မှုဆက်လုပ်နေ၍ လမ်းအသုံးပြုသူများ သတိထားသွားလာရန် ကော်ဘရာစစ်ကြောင်းက သတင်းထုတ် ပြန်သည်။

အဆိုပါ လမ်းပိုင်းရှိ သုံးထပ်ကွေ့အနီး ကျော်ဝါးဘိုးဘုရားကုန်းတွင် အခြေပြုထားသော အကြမ်းဖက်စစ် ကောင်စီ၏ (၁၂၀)မမ လက်နက်ကြီးဖြင့် ကော်ဘရာစစ်ကြောင်း လုံခြုံရေး ရယူထားသော နေရာများသို့ မှန်းဆကာ ယနေ့ (စက်တင်ဘာ ၁၁) ညနေ ၅နာရီခန့်မှစတင်၍ ယခုညပိုင်းအထိ ရမ်းသမ်းပစ်ခတ်နေသည် ဟု အသိပေးထားသည်။

ထိုသို့ အကြမ်းဖက်စစ်ကောင်စီ၏ လက်နက်ကြီးများဖြင့် မဆင်မခြင် ရမ်းသမ်းပစ်ခတ်မှုများ ရှိသဖြင့် ဒေသခံပြည်သူများကို ကော်ဘရာ စစ်ကြောင်းက အထူးသတိထားရန် နှိုးဆော်လိုက်ခြင်းဖြစ်သည်။

စစ်ကောင်စီတပ်သည် ကော်ဘရာစစ်ကြောင်း လှုပ်ရှားရာ ဒေသသို့ လက်နက်ကြီးများ ပစ်ခတ်ခြင်း၊ လေကြောင်း တိုက်ခိုက်ခြင်းများ မကြာခဏ ပြုလုပ်နေသကဲ့သို့ လက်နက်ကြီး ပစ်ကူ လေကြောင်း ပစ်ကူရယူပြီး ထိုးစစ်ဆင်မှုများ မကြာခဏပြုလုပ်ခဲ့ရာ ကော်ဘရာစစ်ကြောင်း၏ တိုက်ခိုက်မှုကြောင့် စစ်ကောင်စီတပ်များ အထိနာလျက်ရှိသည်။

Public Service Announcement