ငွေကြေးနှင့် ဆေးဝါးလိုအပ်ချက်များရှိ၍ ပြည်သူများကူညီပေးကြရန် ဖိတ်ခေါ်
မကွေးတိုင်း ထီးလင်းမြို့နယ်ပြည်သူ့ကာကွယ်ရေးတပ်(PDF) ဆေးအဖွဲ့အနေဖြင့် ကျေးရွာပေါင်း (၁၆)ရွာ ၊ စစ်ဘေးရှောင်စခန်း(၃)ခု လူနာဦးရေ (၇၇၈)ယောက်အထိ ကျန်းမာရေးစောင့်ရှောက်မှု ပေးခဲ့ပြီးဖြစ်ကြောင်း ထီးလင်း PDFက ထုတ်ပြန်သည်။
ကျန်းမာရေးစောင့်ရှောက်မှုရရန်အားနည်းသော ၊ ဆေးဝါးပစ္စည်းမှာယူရန်ခက်ခဲသော ၊ ကျန်းမာရေးစောင့်ရှောက်မှုပေးရန်လိုအပ်နေသော ကျေးရွာများသို့ ကျန်းမာရေးစောင့်ရှောက်မှု ပေးခဲ့သည်မှာ ယခုနှစ် ဇွန်လပိုင်းကတည်းက ဖြစ်သည်ဟု ဆိုသည်။
ကျေးရွာများသို့လည်၍ ကျန်းမာရေးစောင့်ရှောက်မှုပေးပြီး ပြည်သူ့လိုအပ်ချက်ကို တထောင့်တနေရာက ဖြည့်ဆည်းကူညီပေးနေသော်လည်း ငွေအင်အား ၊ဆေးအင်အားနည်းပါးသောကြောင့် ယခုအခါ ကျန်းမာရေးစောင့်ရှောက်မှု လုပ်ငန်းစဉ်များရပ်တန့်ထားရကြောင်း၊ ထို့ကြောင့် ယခင် လှုပ်ရှားခဲ့သည့် ကျန်းမာရေးစောင့်ရှောက်မှုလုပ်ငန်းစဉ်များလည်ပတ်နိုင်ရန် ဆေးဝါးအလှူ၊ဆေးဝါးပစ္စည်း၀ယ်ယူရန်အလှူငွေများ ထည့်၀င်ကူညီနိုင်ကြောင်း ထုတ်ပြန်ခဲ့သည်။
ကူညီလိုပါက People Defence Force -Htilin (YRPA)၏ဆေးတာ၀န်ခံ သိန်း(၁၀၀)challenge https://www.facebook.com/wai.w.aung.31105674ထံသို့ ပါဝင်ကူညီနိုင်သည်ဟု ထုတ်ပြန်ထားသည်။
Public Service Announcement
လက်ရှိအချိန်တွင် တပ်ခွဲ(၆)ခု၌ ကျန်းမာရေးပြဿနာဖြေရှင်းပေးနိုင်ရန် ဆေးသင်တန်း (၁)လကျော် သင်ကြားပေးခဲ့ပြီး စာတွေ့လက်တွေ့အထိပါ ကြိုးစားသင်ကြားပေးခဲ့ကြောင်း၊ ဆေးတပ်သား ၁၂ဦးလုံး အရည်အချင်းစစ်စာမေးပွဲ အောင်မြင်၍ တပ်ခွဲအသီးသီးတွင် တာ၀န်ထမ်းဆောင်နေကြောင်း ဖော်ပြထားသည်။
