'/%3E%3C/svg%3E){kind=small}
စစ်ကောင်စီတပ်သားများစားမည့်အစာထဲ အဆိပ်ပါခပ်ခဲ့ဟုဆို
စစ်ကောင်စီတပ်သားများစားမည့်အစာထဲ အဆိပ်ပါခပ်ခဲ့ဟုဆိုစစ်ကိုင်းတိုင်း၊ ပုလဲမြို့နယ်၊ မွေ့တုံကျေးရွာကို မီးရှို့ဖျက်ဆီးပြီး ထွက်လာသည့် စစ်ကောင်စီတပ် အား တိုက်ခိုက်ရာ ထိခိုက်သေဆုံးမှုများပြားကြောင်း ကျားသစ်နက်ပြောက်ကျားတပ်ဖွဲ့က သတင်းထုတ်ပြန်သည်။
ယနေ့(စက်တင်ဘာ၁၃ ရက်) နံနက်အစောပိုင်းက ပုလဲမြို့နယ်၊ ရွှေလောင်းကျေးရွာ၌ ညအိပ်ပြီးထွက်လာသော အင်အား ၁၈၀ခန့်ပါ စစ်ကောင်စီစစ် ကြောင်းသည် မွေ့တုံကျေးရွာတွင်းသို့ ပစ်ခတ်ဝင် ရောက်လာခဲ့ပြီး အိမ်များကို မီးရှို့ဖျက်ဆီးခဲ့ကြကြောင်း ကျားသစ်နက်ပြောက်ကျားတပ်ဖွဲ့၏ ထုတ်ပြန်ချက်တွင် ဖော်ပြသည်။
မီးရှို့ပြီး ပြန်ထွက်လာသော စစ်ကောင်စီစစ်ကြောင်းကို မဟာမိတ်တပ်ဖွဲ့များနှင့် ပူးပေါင်းကာ လက်နက်ကြီး၊လက်နက်ငယ်များဖြင့် အနီးကပ် စောင့်ကာတိုက်ခိုက်ခဲ့ကြောင်း ကျားသစ်နက် ပြောက်ကျားတပ်ဖွဲ့က အသိပေးသည်။
ထို့အပြင် ရှေ့ထွက်မိုင်းများဖြင့် မိုင်းဆွဲခြင်း၊ တိုက်မိုင်းနင်းမိုင်းများထောင်ထားခြင်း၊ ကျေးရွာတွင်း၌ စစ်ကောင်စီတပ်သားများစားမည့် အစာများအတွင်း အဆိပ်ခပ်တိုက်ခိုက်ခြင်းကြောင့် စစ်ကောင်စီဘက်က ငါးဦးသေဆုံးကာ ၃၀ဦး ထိခိုက်ဒဏ်ရာ ရရှိသွားသည်ဟု ကျားသစ်နက် ပြောက်ကျားတပ်ဖွဲ့ ဆိုသည်။
Public Service Announcement
ထိခိုက်သွားသော စစ်ကောင်စီတပ်သားများကို ပုလဲမြို့ပေါ်ရှိ စစ်တပ်က Faw ကားများဖြင့် လာရောက်သယ်ဆောင်သွားခဲ့ကြောင်း ကျားသစ်နက် ပြောက်ကျားတပ်ဖွဲ့က အသိပေးသည်။
ဖြစ်စဥ်နှင့်ပတ်သက်ပြီး ကျားသစ်နက်ပြောက် ကျားတပ်ဖွဲ့ထံ ဆက်သွယ်မေးမြန်းထားပြီး ပြန်လည်ဖြေကြားခြင်း မရှိသေးပေ။ ထိခိုက်မှုအခြေအနေနှင့်ပတ်သက်၍ People’s Springက ထပ်မံအတည်ပြုနိုင်ခြင်းမရှိသေးပေ။
