“နန်းထိုက်အောင် စစ်ဆင်ရေး”အဖြစ် ပုလောမြို့နယ်၊ ပုလောကုန်းကျေးရွာတွင် တပ်စွဲထားသော စစ်ကောင်စီတပ်ကို ပြည်သူ့ကာကွယ်ရေးပူပေါင်းတပ်က ဝင်တိုက်ခိုက်ရာ စစ်ကောင်စီတပ်သားနှစ်ဦးသေဆုံးကြောင်း Palaw People’s Defence Force(PPDF)က ယနေ့(စက်တင်ဘာ ၁၆ ရက်) ထုတ်ပြန်သည်။
ယမန်နေ့(စက်တာဘာ ၁၅ ရက်) ညနေ ၃နာရီခန့်က သွားရောက်တိုက်ခိုက်ခဲ့ပြီးလက်နက်ကြီး ၊လက်နက်ငယ်များ ဖြင့် ၁နာရီခွဲခန့် အဆက်မပြတ်အပြန်အလှန် ပစ်ခတ်ခဲ့သည်ဟု ဆိုသည်။
ထို့အပြင် ယနေ့ နံနက် ၁၁ နာရီ ခန့်တွင်လည်းစစ်ကောင်စီတပ်စွဲထားသည့် ပုလောကုန်းရွာ ကိုထပ်မံ၍သွားရောက်ပစ်ခတ်ခဲ့ကြောင်း အသိပေးသည်။
“သြဂုတ်လဆန်းပိုင်းလောက်ကတည်းက တပ်စွဲ ထားတာ။စခ အင်အား က ၃၀ လောက်ရှိတယ်”ဟု ပုလောပြည်သူ့ကာကွယ်ရေးတပ်ဖွဲ့ ဝင်တစ်ဦးက လူထုနွေဦးသို့ ပြောသည်။
အပြန်အလှန်ပစ်ခတ်မှုများအတွင်း စစ်ကောင်စီဘက်မှ နှစ်ဦးသေဆုံးခဲ့ပြီး မိမိတို့ဘက်မှ ရဲ ဘော် တစ်ဦး လက်နက်ကြီးကျည်စထိမှန်၍ ( မစိုးရိမ်ရ) ဒဏ်ရာရရှိခဲ့ကြောင်း ဖော်ပြသည်။
စက်တင်ဘာ ၁၂ ရက်ကလည်း “နန်းထိုက်အောင်”စစ်ဆင်ရေးဖြင့် စစ်မှုထမ်းဟောင်းနှင့်စစ်ကောင်စီခန့်အုပ်ချုပ်ရေးမှူး မောင်ယုအားသုတ်သင်ရှင်းလင်းလိုက်ကြောင်း ပုလောဒေသကာ ကွယ်ရေးတပ်ဖွဲ့ PRDF က ထုတ်ပြန်ထားသည်။
တနင်္သာရီတိုင်းအတွင်း “နန်းထိုက်အောင်စစ် ဆင်ရေး”ကို အရှိန်အဟုန်မြှင့် ဆောင်ရွက်နေ၍ပြည်သူများအနေဖြင့် စစ်ကောင်စီ၏ လက်ကိုတုတ် ဖက်စစ်တပ်၊ ပျူစောထီး တို့ နေထိုင်စခန်းချသော အဆောက်အအုံများ ခန့်ဝေးဝေး နေကြရန်လည်း PPDFက တိုက်တွန်းသည်။