ရန်ကုန်မြို့တွင် “UN ငါတို့ရဲ့ဆန္ဒတွေကိုလက်ခံဖို့ တွေဝေမနေစမ်းနဲ့” စာသားအား ဒရုန်းဖြင့် ရိုက်ကူး၍ ဆန္ဒထုတ်ဖော်

လူသားချင်းစာနာမှုဆိုသည်ကို သက်သေပြစေရန် “ UN , Do Not Hesitate To Accept Our Will“ စာသားပါဘန်နာကို ရန်ကုန်မြို့တစ်နေရာတွင် ဒရုန်းဖြင့်ရိုက်ကူး၍ Yangon Revolution Force – YRF ( Soft Strike Community) မှ ယနေ့ (စက်တင်ဘာ ၁၇) နံနက်ပိုင်း၌ မြန်မာပြည် သူလူထု၏ကိုယ်စား လူထုလှုံ့ဆော်မှုတစ်ခု ပြုလုပ်ခဲ့ကြသည်။

မကြာမီရက်ပိုင်းအတွင်း ကျင်းပမည့် ကုလသမဂ္ဂတွင် မြန်မာပြည်သူလူထု၏ ကိုယ်စားပြု သံအမတ်အဖြစ် မြန်မာပြည်သူများကို အမှန်တကယ်ကိုယ်စားပြုသော ဦးကျော်မိုးထွန်းကို ရွေးချယ်တင်မြောက်ရန်နှင့် မြန်မာလူထုတစ်ရပ်လုံး၏ ဆန္ဒကို လက်ခံရန်အတွက် ကုလသမဂ္ဂအဖွဲ့အစည်း အနေဖြင့် တွေဝေတွန့်ဆုတ်မနေရန်အတွက် လှုံ့ဆော်တိုက်တွန်းခြင်း ဖြစ်ကြောင်း YRF က ထုတ်ပြန်သည်။

ယနေ့လှုပ်ရှားမှုပြုလုပ်သည့်အချိန်ထိ မင်းအောင်လှိုင်ဦးဆောင်သည့် အကြမ်းဖက်စစ်တပ်သည် အပြစ်မဲ့ပြည်သူ ၃,၀၀၀နီးပါးကို သတ်ဖြတ်ပြီးခဲ့ပြီဖြစ်ပြီး အိမ်ပေါင်း ၂၈,၀၀၀ကျော်ကိုလည်းမီးရှို့ဖျက်ဆီးခဲ့ပြီး ဖြစ်သည်။

ထို့ကြောင့် အကြမ်းဖက်စစ်အာဏာရှင်ကို ဆန့်ကျင်ကြောင်း လူငယ်များက နည်းလမ်းမျိုးစုံဖြင့် ဆန္ဒပြလျက်ရှိပြီး ယခုကဲ့သို လှုပ်ရှားမှုများကိုလည်း လမ်းမများထက်တွင် ဆန္ဒပြလူငယ်များက ၄င်းတို့၏ အသက်ကို စတေးကာ လုပ်ဆောင်နေကြခြင်းဖြစ်ကြောင်းကိုလည်း YRF က ဖော်ပြခဲ့သည်။

Public Service Announcement