ချင်းပြည်နယ် မင်းတပ်မြို့အခြေစိုက် စစ်ကောင်စီ၏ ခလရ (၂၇၄) တပ်ရင်းအတွင်းသို့ လက်နက်ကြီးဖြင့် ပစ်ခတ်တိုက်ခိုက်ခဲ့ကြောင်း မင်းတပ် ချင်းကာ ကွယ်ရေးတပ်(CDF)က သတင်းထုတ်ပြန်သည်။
စက်တင်ဘာ ၂၁ရက် ညနေ ၆နာရီခန့်တွင် လက်နက်ကြီးများဖြင့် ပစ်ခတ်တိုက်ခိုက်ခဲ့ခြင်းဖြစ်ပြီး စစ်ကောင်စီဘက်မှ သေဆုံးထိခိုက်မှုကို မသိရသေးဟု ဖော်ပြထားသည်။
စစ်ကောင်စီအနေဖြင့် မင်းတပ် စစ်ဘေးရှောင် ပြည်သူများအတွက် လူသားချင်းစာနာထောက် ထားမှုအဖြစ်ရရှိထားသော ဆန်အိတ်မြောက်များစွာကို မတရားထိန်းသိမ်းထားပြီး ဝါဒဖြန့်ချိရေးအဖြစ် စျေးရောင်းပွဲတော် ဟန်ပြ ဆက်လက်လုပ်ဆောင်နေမည်ဆိုပါက တိုက်ခိုက်မှုဆက်လုပ်သွားမည်ဖြစ်ကြောင်း မင်းတပ် CDFက ထုတ်ပြန်သည်။
အဆိုပါ စျေးရောင်းပွဲတော်ကျင်းပခြင်းကိုလက်မခံ၍ မင်းတပ် CDF အနေဖြင့် ယနေ့ နံနက်ပိုင်းကလည်း မင်းတပ်မြို့အဝင်ရှိ စစ်ကောင်စီဂိတ်ကို ပစ်ခတ်တိုက်ခိုက်ခဲ့သည်။
Public Service Announcement
အဆိုပါ မြို့ဝင်ဂိတ်ကို ပြောက်ကျားတိုက်ခိုက်ခဲ့ရာတွင် စစ်ကောင်စီတပ်က သေဆုံးထိခိုက်များနိုင်သည်ဟု မင်းတပ် CDF က ထုတ်ပြန်ထားသည်။
