စစ်ကောင်စီတပ်မှ ရဲခုနစ်ဦးထိခိုက်ပြီး နှစ်ဦးဒဏ်ရာပြင်းထန်ဟုဆို
မန္တလေးမြို့၊ ပြည်ကြီးတံခွန်မြို့နယ် စက်မှုပန်းခြံအနီး ကင်းလှည့်လာသည့် စစ်ကောင်စီတပ်မှ ဖောကားတစ်စီးကို ပဒေသာမိုင်းနှစ်လုံးဖြင့် ဖောက်ခွဲတိုက်ခိုက်ခဲ့ကြောင်း GZP(Mandalay)ပြောက်ကျား တပ်ဖွဲ့က ယနေ့ (စက်တင်ဘာ ၂၂)ထုတ်ပြန် သည်။
ယမန်နေ့ နေ့လယ် ၂ နာရီခန့်က ပြည်ကြီးတံခွန် မြို့နယ် စက်မှုပန်းခြံအနီး ကင်းလှည့်လာသည့် စစ်ကောင်စီတပ်မှ ရဲ (၁၅)ဦးခန့်ပါသော ဖောကားတစ်စီးအား ပဒေသာမိုင်းနှစ်လုံးဖြင့် ဖောက်ခွဲတိုက်ခိုက်ခဲ့ခြင်းဖြစ်ကြောင်း ဖော်ပြသည်။
“ထိုလှုပ်ရှားမှုအပြီးတွင် ရခ (၇)ဦးခန့် ထိခိုက်ဒဏ်ရာရခဲ့ပြီး (၂)ဦးမှာ ပြင်းထန်ဒဏ်ရာဖြင့် သေဆုံးနိုင်ဖွယ်ရှိကြောင်း သတင်းထုတ်ပြန်ကြေညာအပ်ပါ သည်”ဟု ထုတ်ပြန်ချက်က ဆိုသည်။
GZP(Mandalay)ပြောက်ကျားတပ်ဖွဲ့သည် မြို့ပြစစ်ဆင်ရေးများသာမက အခြားသော မဟာမိတ် တော် လှန်ရေးတပ်ဖွဲ့များနှင့်ပူးပေါင်းပြီး အရာတော် အပါအဝင် စစ်ကိုင်းတိုင်းအတွင်း စစ်အာဏာရှင်ကို တော်လှန်လျှက်ရှိသည်။
Public Service Announcement
