သဲဖြူချောင်းဂိတ်အနီး ယနေ့ ၃နာရီနီးပါး တိုက်ပွဲဖြစ် ခဲ့ဟု ကော်ဘရာစစ်ကြောင်း ထုတ်ပြန်

ကရင်အမျိုးသားအစည်းအရုံး(KNU) တပ်မဟာ (၆) နယ်မြေ မြ၀တီ – ဝေါ်လေလမ်း မပေါ်ရှိ သဲဖြူချောင်းဂိတ်အနီး၌ ယနေ့ တိုက်ပွဲဆက်လက်ဖြစ်ပွားခဲ့ကြောင်း ကော်ဘရာစစ်ကြောင်းက သတင်းထုတ်ပြန် သည်။

စစ်ကောင်စီ၏ တပ်မ (၄၄)လက်အောက်ခံ ခမရ (၁)၊ ခမရ(၂)၊ ခမရ(၈)၊ ခမရ(၁၀၂) တပ်များ နှင့် ကရင်အမျိုးသားလွတ်မြောက်ရေးတပ်မတော် (KNLA) တပ်ရင်း(၂၇)၊ ကော်ဘရာ စစ်ကြောင်းတို့ စက်တင်ဘာ ၂၃ရက် နေ့လည် ၁နာရီခွဲမှ ညနေ ၄နာရီကျော်အထိ တိုက်ပွဲဖြစ်ခဲ့သည်ဟု ဆိုသည်။

ရင်ဆိုင်တိုက်ပွဲအတွင်း စစ်ကောင်စီတပ်မှ လက်နက်ကြီး၊ လက်နက်ငယ်များဖြင့် ပစ်ခတ်တိုက်ခိုက် ခဲ့ကြောင်း၊ စစ်ကောင်စီတပ်မှ ထိခိုက်ကျဆုံး အရေအတွက် အတည်မပြုနိုင်သေးကြောင်း ထုတ်ပြန်ခဲ့ပြီး ကော်ဘရာစစ်သည်တော် နှစ်ဦး ပွန်းပဲ့ဒဏ်ရာ ရရှိခဲ့သည်ဟု အသိပေးထားသည်။

ပြီးခဲ့သည့် ရက်များကလည်း ကော်ဘရာစစ်ကြောင်းပါဝင်သည့် ပူးပေါင်းတပ်နှင့် စစ်ကောင်စီတပ်တို့ တိုက်ပွဲများ ဆက်တိုက်ဖြစ်ပွားခဲ့ရာ စစ်ကောင်စီတပ်များကို ဒရုန်းများဖြင့် ဗုံးကြဲတိုက်ခိုက်ခဲ့ရာ သေဆုံးထိခိုက်ရှိခဲ့ကြောင်း ကော်ဘရာစစ်ကြောင်းက ထုတ်ပြန်ထားသည်။

Public Service Announcement