လှိုင်သာယာမြို့နယ်ရှိ ရဲတပ်ရင်း(၉)ရှေ့လမ်းမပေါ်တွင် ယနေ့(စက်တင်ဘာ ၂၉ရက်)နံနက် ရှစ်နာရီခန့်က ဗုံးနှစ်လုံး ပေါက်ကွဲခဲ့သည်။
“ ဗုံးပေါက်တာ။ ပေါက်တဲ့နားမှာ စစ်ကောင်စီစစ်ဆေးရေးဂိတ်ရှိတယ်။ ဘာတွေ ထိခိုက်သွားလဲတော့ မသိရသေးဘူး” ဟု ပေါက်ကွဲသည့်နေရာအနီးကို ကားဖြင့်ဖြတ်လာခဲ့သောပြည်သူတစ်ဦးကပြောသည်။
ကျယ်လောင်သည့် ပေါက်ကွဲသံနှစ်ကြိမ်သည် ရဲတပ်ရင်း(၉)ဘက်မှ ယနေ့ နံနက် ရှစ်နာရီခန့်တွင် ထွက်ပေါ်ခဲ့ခြင်းဖြစ်ပြီးမိနစ်၂၀ခန့်အကြာတွင် မူလအသံထက်တိုးသော ပေါက်ကွဲသံတစ်ချက်ထပ်မံကြားရကြောင်းပြည်သူအချို့ကပြောသည်။
” ပေါက်ချင်သလောက်ပေါက်တော့။ အလုပ်တွေလည်း လုပ်စားလို့မကောင်းမယ့်အတူတူ ေ-ွးတွေ သေမှ ပွဲပြီးမှာမို့ ချသာချ အားပေးတယ်” ဟု တက္ကစီယာဥ်မောင်းတစ်ဦးကပြောသည်။
Public Service Announcement
ရန်ကုန်မြို့ နေရာအချို့တွင်ယမန်နေ့(စက်တင်ဘာ ၂၈)ညကလည်း စစ်ကောင်စီတပ်ရှိရာနေရာများအနီးဗုံးများပေါက်ကွဲခဲ့သည်။
