Connect with us

Hi, what are you looking for?

LuduNwayOo

သတင်း

သင်္ကန်းဝတ် ပျူခေါင်းဆောင် ဦးဝါသဝလိုက်လာပါသောယာဥ် မိုင်းဆွဲတိုက်ခိုက်ခံရ

ဖြစ်စဥ်နှင့်ပတ်သက်၍ Taze Revolution Force-TRFအဖွဲ့ထံ ဆက်သွယ်မေးမြန်းထားပြီး ပြန်လည်ဖြေကြားခြင်း မရှိသေးပေ။

သင်္ကန်းဝတ် ဦးဝါသဝပျူစောထီးများအား သင်တန်းပေးနေစဥ် ၊ဓာတ်ပုံ-Cj
သင်္ကန်းဝတ် ဦးဝါသဝပျူစောထီးများအား သင်တန်းပေးနေစဥ် ၊ဓာတ်ပုံ-Cj

စစ်ကိုင်းတိုင်း၊ ကန့်ဘလူမြို့နယ်တွင် သင်္ကန်းဝတ် ပျူစောထီးခေါင်းဆောင် ဦးဝါသဝလိုက်လာပါသော ယာဥ်အား မိုင်းဆွဲတိုက်ခိုက်ခဲ့ကြောင်း Taze Revolution Force-TRFက သတင်းထုတ်ပြန်သည်။

ယမန်နေ့ (စက်တင်ဘာ ၃ဝ ရက်) နံနက် ၁၁ နာရီခန့်က ကန့်ဘလူမြို့နယ်၊ တောက်ကရှပ်ရွာနှင့်မှော်တော်ရွာကြား ချောင်းအနောက်ဖက် လယ်ကျင်းလျှိုအနီးတွင် တပ်ရင်း – ၁၆(TRF) ထောင်ထားသည့် အဝေးထိန်းမိုင်းဖြင့် မှော်တော်ဆရာတော်ပျူခေါင်းဆောင် ဦးဝါသ၀လိုက်ပါလာသော ယာဥ်အား မိုင်းဆွဲတိုက်ခိုက်ခဲ့ကြောင်း TRFက အသိပေးသည်။

ဦးဝါသဝကားအား ဖောက်ခွဲခဲ့သောမိုင်း၊ ဓာတ်ပုံ-TRF
ဦးဝါသဝကားအား ဖောက်ခွဲခဲ့သောမိုင်း၊ ဓာတ်ပုံ-TRF

ထိုသို့တိုက်ခိုက်ရာတွင် ကားရှေ့ခန်းခေါင်းပျက်စီးပြီး ကားနှိုးမရ၍ အခြားယာဥ်အကူဖြင့်ကြိုးဆွဲကာ မှော်တော်ကျောင်းထဲ၀င်သွားသည်ဟုသိရကြောင်း၊ ထိခိုက်မှုများရှိနိုင်ကြောင်း TRFက ဆိုသည်။

ဖြစ်စဥ်နှင့်ပတ်သက်၍ Taze Revolution Force-TRFအဖွဲ့ထံ ဆက်သွယ်မေးမြန်းထားပြီး ပြန်လည်ဖြေကြားခြင်း မရှိသေးပေ။

သင်္ကန်းဝတ် ပျူခေါင်းဆောင် ဦးဝါသဝသည် စစ်ကောင်စီတပ်နှင့်ပေါင်းကာ ကန့်ဘလူနယ်နှင့် တန့်ဆည်နယ်ရှိ ကျေးရွာများသို့ စစ်တပ်စည်းရုံးရေးဟောပြောခြင်း၊ ပျုအဖွဲ့များဖွဲ့စည်းပေးခြင်း၊ ပျူသင်တန်းများဖွင့်လှစ်ပို့ချခြင်း၊ လက်နက်တပ်ဆင်ပေးကာ စစ်တပ်နှင့်အတူ ရွာစဥ်လှည့်မီးရှို့ဖျက်ဆီးမှုများ ပြုလုပ်နေသည်။

You May Also Like

သတင်း

လက်ရှိတွင် KBC၏ အကြံပေးတာဝန်ထမ်းဆောင်လျက်ရှိသည့် သိက္ခာတော်ရ ဆရာတော် ဒေါက်တာခလမ်ဆမ်ဆွန်သည် ဒီဇင်ဘာ ၅ရက် နံနက်တွင် ထိုင်းနိုင်ငံ ဘန်ကောက်မြို့သို့ သွားရောက်မည့် ခရီးစဉ်အတွင်း မန္တလေးတံတားဦး လေဆိပ်၌ ဖမ်းဆီးခံရခြင်းဖြစ်သည်။

သတင်း

ကချင်ဒေသခံတစ်ဦးကလည်း ဒေါက်တာခလမ်ဆမ်ဆွန်နှင့်အဖွဲ့ ယနေ့နံနက် ၉နာရီ ၁၅မိနစ်ခန့်တွင် ဖမ်ဆီးခံရပြီး ယခုပြန်လွှတ်ပေးလိုက်ပြီဟု သိရကြောင်း ပြောသည်။

သတင်း

ဒေါက်တာခလမ်ဆမ်ဆွန်သည် ဒီဇင်ဘာ ၄ရက် ညနေပိုင်း၌ မြစ်ကြီးနားမှ မန္တလေးမြို့သို့ သွားရောက်စဉ် လေဆိပ်၌ စစ်ကောင်စီတပ်က ဖမ်းဆီးခဲ့ခြင်းဖြစ်သည်ဟု ဆိုသည်။

သတင်း

၁၂ဘီးကားတစ်စီးမှာ ထိုနေရာ၌ ၅မိနစ်ခန့်ထိုးရပ်သွား၍ လူလဲကာဆက်လက်မောင်းနှင်သွားခဲ့ပြီး အထိအခိုက်အကျအဆုံးများနိုင်သည်ဟု အေဒီက ပြောသည်။