Connect with us

Hi, what are you looking for?

LuduNwayOo

သတင်း

မုံရွာ-အမြင့်လမ်းကို စစ်ကောင်စီက ဘူဒိုဇာဖြင့်ထိုး ဖျက်ဆီး

လမ်းပိုင်းပျက်စီးသွားခြင်းကြောင့် မုံရွာတောင်နယ်နှင့် ချောင်းဦးမြို့နယ်နေ ပြည်သူများအတွက် ကုန်သွယ် ရေး၊ လမ်းသွားလာရေးခက်ခဲလာနိုင်ကြောင်း ဒေသခံများက ပြောသည်။

စစ်ကောင်စီတပ်က ဖျက်ဆီးသွားသော မုံရွာ-အမြင့်လမ်းအား တွေ့ရစဥ်၊ ဓာတ်ပုံ- စွမ်းလင်းထက် (မုံရွာ-အမြင့်လမ်းသတင်းမှန်ပြန်ကြားရေး)
စစ်ကောင်စီတပ်က ဖျက်ဆီးသွားသော မုံရွာ-အမြင့်လမ်းအား တွေ့ရစဥ်၊ ဓာတ်ပုံ- စွမ်းလင်းထက် (မုံရွာ-အမြင့်လမ်းသတင်းမှန်ပြန်ကြားရေး)

စစ်ကိုင်းတိုင်း၊ မုံရွာမြို့နယ်ရှိ မုံရွာ- အမြင့်လမ်းအား စစ်ကောင်စီက မြေကော်စက်(ဘူဒိုဇာ)ဖြင့်ထိုး ဖျက်ဆီးသွား၍ ယာဥ်များသွားလာ၍ မရတော့ကြောင်း ဒေသခံများက ပြောသည်။

ယနေ့ (အောက်တိုဘာလ ၄ ရက်) မွန်းလွဲ ၂နာရီခန့်က စစ်ကောင်စီတပ်သည် စစ်ကားကြီးတစ်စီး၊ အိမ်စီးကားတစ်စီး အင်အား၃၀ခန့်ဖြင့် မုံရွာမြို့ ညောင်ပင် ဇောက်ရပ်ကွက်တောင်ဘက်အထွက် မုံရွာ-အမြင့်လမ်း ကျောက်ပေါက်ကွေ့သို့ ရောက်ရှိလာခဲ့သည်။

ထို့နောက် ညနေ ၃နာရီခန့်တွင် မုံရွာ-အမြင့်ကားလမ်းအား မြေကော်စက်(ဘူဒိုဇာ)ဖြင့် ထိုးဖျက် ဆီးသွားခဲ့ကြောင်း မုံရွာ-အမြင့်လမ်းသတင်းမှန်ပြန်ကြားရေးအဖွဲ့က ပြောသည်။

Public Service Announcement
Public Service Announcement

“မုံရွာ-အမြင့်လမ်းဟာ မုံရွာတောင်နယ်နှင့် ချောင်းဦးမြို့နယ်အတွက် အဓိကအရေးကြီးသောလမ်းပိုင်းဖြစ်ပြီး ယခုလိုဖျက်ဆီးသွားခြင်းမှာ ကားများ သွား၍ မရအောင် ဖျတ်ဆီးသွားခြင်းဖြစ်တယ်လို့ သိရှိရပါတယ်။”ဟု မုံရွာ-အမြင့်လမ်းသတင်းမှန်ပြန်ကြားရေးက ပြောသည်။

လမ်းပိုင်းပျက်စီးသွားခြင်းကြောင့် မုံရွာတောင်နယ်နှင့် ချောင်းဦးမြို့နယ်နေ ပြည်သူများအတွက် ကုန်သွယ် ရေး၊ လမ်းသွားလာရေးခက်ခဲလာနိုင်ကြောင်း ဒေသခံများက ပြောသည်။

“ပြည်သူတွေကို သွားမရအောင်လုပ်တာနေမှာ။ တစ်မျိုးပြီးတစ်မျိုးကို လုပ်နေတာ။”ဟု ဒေသခံတစ်ဦးက ပြောသည်။

မုံရွာ-အမြင့်လမ်းဘေးတစ်လျှောက် ကျေးရွာများသည် စစ်အာဏာရှင်ကို ဆန့်ကျင်မှုအားကောင်းရာဒေသများဖြစ်ပြီး အဆိုပါလမ်းပိုင်းရှိ ကျေးရွာအများအပြားအား စစ်ကောင်စီတပ်က ဝင်ရောက်မွှေနှောက်ဖျက်ဆီးခြင်း၊ ပြည်သူများအား ဖမ်းဆီးသတ်ဖြတ်ခြင်းများ မကြာခဏ ပြုလုပ်လေ့ရှိသည်။

You May Also Like

သတင်း

KIA တပ်မဟာ(၉) တပ်ရင်း(၆)နယ်မြေ မဒဲယန်တွင် ဒီဇင်ဘာ ၆ရက် ညနေ ၄နာရီ ကစပြီး စစ်ကောင်စီတပ်နှင့် KIA ပူးပေါင်းတပ်တို့ တိုက်ပွဲဖြစ်ပွားခဲ့သည်။

သတင်း

ယမန်နေ့(ဒီဇင်ဘာ ၆ရက်)က ဖာပွန်ခရိုင်ရှိ စစ်ကောင်စီတပ်စခန်း သုံးခုထက်မနည်းကို စခန်းသိမ်းတိုက်ပွဲဆင်နွှဲခဲ့ရာ ညာတခိုကျိုး တပ်စခန်းအပါအဝင် စခန်းအချို့ သိမ်းရခဲ့သည်ဟု KNU သတင်းရင်းမြစ်က ပြောသည်။

သတင်း

အာဏာသိမ်းပြီးနောက် စစ်ကောင်စီတပ်နှင့် တိုက်ပွဲဖြစ်ပွားမှု အလွန်နည်းပါးခဲ့သည့် TNLA တပ်စခန်းကို စစ်ကောင်စီတပ်က ယနေ့ နေ့လယ်ပိုင်းတွင် ထိုးစစ်ဆင်လာခြင်းဖြစ်သည်ဟုဆိုသည်။

သတင်း

လတ်တလောတွင် ချင်းရွှေဟော်ဒေသသို့ ထိုးစစ်ဆင်လာသည့် စစ်ကောင်စီနှင့် ပြည်သူ့စစ်ပူးပေါင်းတပ်သည် ချင်းရွှေဟော်ဒေသ၌ စခန်းချနေသော်လည်း နှစ်ဖက်ပဋိပက္ခ ထပ်မံ ဖြစ်ပွားမှု မရှိဟု ဖော်ပြထားသည်။