စစ်ကောင်စီတပ်သား ငါးဦးခန့်သေဟုဆို
သပိတ်ကျင်းမြို့နယ် မန္တလေး – မိုးမိတ်လမ်းပိုင်းရှိ ရွှေတွင်းများရှိရာသို့ ဆက်ကြေးကောက်ရန် လာသည့် စစ်အုပ်စုကို မိုင်းငါးလုံးဖြင့် ဖောက်ခွဲတိုက်ခိုက်ခဲ့ကြောင်း ကြာညှပ်ပြည်သူ့ကာကွယ်ရေးတပ်ဖွဲ့က ပြောသည်။
ယနေ့(အောက်တိုဘာ ၇)နံနက် ၁၁ နာရီကျော်က မန္တလေး – မိုးမိတ်လမ်း ကျောက်ဖြူကျေးရွာနှင့် ဗနွဲကျေးရွာကြားရှိ တောင်လယ်ကျေးရွာ ရွှေတွင်းများသို့ ဆက်ကြေးကောက်ရန်လာသည့် ကားသေးတစ်စီးနှင့် လိုက်ထရပ်တစ်စီးကို မိုင်းငါးလုံးဖြင့် ဖောက်ခွဲတိုက်ခိုက်ခဲ့ရာ စစ်ကောင်စီတပ် သားငါးဦးထက်မနည်း သေဆုံးသွားသည်ဟု ဆိုသည်။
“ကျွန်တော်တို့ ပစ္စည်းအားနဲ့ ခန့်မှန်းရရင်တော့ အနည်းဆုံး ငါးဦးထက်မနည်းနိုင်ပါဘူး။ သူတို့စီးလာတဲ့ကားရဲ့အနေထားဆွဲတဲ့မြေပြက်အနေထားအရပေါ့”ဟု ကြာညှပ်(ပကဖ)မှ တော်လှန်ရေးရဲဘော်တစ်ဦးက ပြောသည်။
အဆိုပါ ဖောက်ခွဲတိုက်ခိုက်မှုတွင် စစ်ကောင်စီအရာရှိလိုက်ပါလာသည့် ကားအသေးတစ်စီးထိခိုက်သည့်အပြင် လိုက်ထရပ်ယာဥ်မှာ မိုင်းထိမှန်ပျက်စီးသည့်အပြင် ထိုးရပ်သွားသည်ဟု အထက်ပါရဲဘော်က ဆက်ပြောသည်။
Public Service Announcement
စစ်ကောင်စီတပ်များသည် ကျောက်ဖြူရွာနှင့် ဗနွဲရွာကြားရှိ တောင်လယ်ရွာ ရွှေတွင်းများသို့ မကြာခဏ ဆက် ကြေးလာကောက်တပ်သည်ကို ကြိုတင်သိရှိထားသောကြောင့် အထက်ပါအတိုင်း စောင့်ကြိုဖောက်ခွဲတိုက်ခိုက်ခဲ့ခြင်းဖြစ်ကြောင်း သိရသည်။
