Connect with us

Hi, what are you looking for?

LuduNwayOo

သတင်း

အလုပ်မဖြစ်သော အာဆီယံဘုံငါးရပ်ကို သေချာခိုင်မာသည့် လုပ်ငန်းအစီအစဥ်နှင့် အစားထိုးရမည်ဟု အရပ်ဘက်လူထုအဖွဲ့အစည်း ၄၀၀ ကျော်တိုက်တွန်း

စစ်အုပ်စုနှင့်ထိတွေ့ဆက်ဆံမည့်အစား အရပ်ဘက်လူထုအဖွဲ့အစည်းများ၊ အမျိုးသားညီညွတ်ရေးအစိုးရ (NUG) တို့နှင့် တိုင်ပင်ဆွေးနွေးခြင်း၊ ပံ့ပိုးခြင်းများကို လုပ်ဆောင်ရမည်ဟု အရပ်ဘက်လူထုအဖွဲ့အစည်းများက ပြောသည်။

(မြန်မာ့အရေးနှင့်ပတ်သက်ပြီး အာဆီယံ၏လုပ်ဆောင်ချက်အပေါ် ကန့်ကွက်ဆန္ဒပြနေသည်ကို ၂၀၂၁ ဖေဖော်ဝါရီက တွေ့ရစဥ်)
(မြန်မာ့အရေးနှင့်ပတ်သက်ပြီး အာဆီယံ၏လုပ်ဆောင်ချက်အပေါ် ကန့်ကွက်ဆန္ဒပြနေသည်ကို ၂၀၂၁ ဖေဖော်ဝါရီက တွေ့ရစဥ်)

မြန်မာနိုင်ငံရှိ အမျိုးမျိုးသော အကျပ်အတည်းများကို ဖြေရှင်းရန် အာဆီယံ၏ အလုပ်မဖြစ်သော ဘုံသဘောတူညီချက်ငါးရပ်အစား သေချာခိုင်မာသည့် လုပ်ငန်းအစီအစဥ် တစ်ရပ်နှင့် အစားထိုးရမည်ဟု အရပ်ဘက်လူထုအဖွဲ့အစည်း (၄၅၇)ဖွဲ့က တောင်းဆိုတိုက်တွန်းသည်။

အောက်တိုဘာလ ၂၄ ရက်တွင် အာဆီယံခေါင်းဆောင်များထံ ပေးပို့သော အရပ်ဘက်လူထုအဖွဲ့အစည်း ၄၅၇ ဖွဲ့တို့၏ ပူးတွဲစာ၌ တောင်းဆိုခြင်းဖြစ်ပြီး အာဆီယံသည် ၎င်း၏ ထိပ်သီးအစည်းအဝေးများနှင့် တခြားအစည်းအဝေးအားလုံးတွင် မြန်မာစစ်အုပ်စု၏ နိုင်ငံရေးကိုယ်စားလှယ်များနှင့် နိုင်ငံရေးနှင့် မဆက်စပ်သည့် ကိုယ်စားလှယ်များကို ဖိတ်ကြားခြင်းကို ရပ်တန့်ရမည်ဟု ဖော်ပြသည်။

စစ်အုပ်စုနှင့်ထိတွေ့ဆက်ဆံမည့်အစား အရပ်ဘက်လူထုအဖွဲ့အစည်းများ၊ အမျိုးသားညီညွတ်ရေးအစိုးရ (NUG) တို့နှင့် တိုင်ပင်ဆွေးနွေးခြင်း၊ ပံ့ပိုးခြင်းများကို လုပ်ဆောင်ရမည်ဟု အရပ်ဘက်လူထုအဖွဲ့အစည်းများက ပြောသည်။

“စစ်အုပ်စုက ကျူးလွန်နေတဲ့ ဆိုးရွားလှတဲ့ ရာဇဝတ်မှုတွေကို အဆုံးသတ်နိုင်ဖို့ အင်ဒိုနီးရှားရဲ့ အာဆီယံဥက္ကဌရာထူးနဲ့ ခိုင်မာတဲ့ခေါင်းဆောင်မှုဟာ အာဆီယံမှာ အဓိက မောင်းနှင်အားတစ်ခုဖြစ်လာမယ်လို့ ကျမတို့ မျှော်လင့်ပါတယ်”ဟု ပူးတွဲတောင်းဆိုမှုတွင် ပါဝင်သည့် ရှေ့ပြေးအသံအဖွဲ့၏ ဥက္ကဌ ဒေါ်ခင်ဥမ္မာက ပြောသည်။

Public Service Announcement

Public Service Announcement

ပြီးခဲ့သော လပေါင်း ၂၀ အတွင်း စစ်အုပ်စုသည် မြန်မာပြည်သူများအပေါ် ရက်စက်ကြမ်းကြုတ်သော ရာဇဝတ်မှုများကို မရပ်မနားတောက်လျှောက် ကျူးလွန်လာခဲ့ပြီး ဘုံသဘောတူညီချက်ငါးရပ်ကို မလိုက်နာသောကြောင့် သတိပေးပြောဆိုခံရသော်လည်း အနှစ်မပါ အခွံသက်သက်သာဖြစ်သော အာဆီယံ၏ သတိပေးချက်များနှင့် “တွေ့ဆုံဆွေးနွေးမှုများ” က စစ်အုပ်စုကို အလုံးစုံသော ပြစ်ဒဏ်ကင်းလွတ်ခွင့်ဖြင့် အကြမ်းဖက်လုပ်ရပ်များကို ဆက်လက်ကျူးလွန်ရန် ပိုမိုအတင့်ရဲစေသည်ဟု အရပ်ဘက််အဖွဲ့အစည်းများက ပြောသည်။

ထို့အပြင် အရပ်ဘက်အဖွဲ့အစည်းများက အာဆီယံသည် အာဆီယံအထူးသံတမန်၏ လုပ်ပိုင်ခွင့်အာဏာအား ပြန်လည်ပြင်ဆင်ကာ အာဆီယံဥက္ကဌက အထူးသံတမန်ကို သုံးနှစ်သက်တမ်းတစ်ခါဖြင့် ရွေးချယ် ခန့်အပ်ခြင်းနှင့်အတူ အထူးသံတမန်၏ သတ်မှတ်တာဝန်နှင့်လုပ်ပိုင်ခွင့်များကိုလည်း ရှင်းရှင်း လင်းလင်း ချမှတ်ထားရန် တောင်းဆိုသည်။

လာမည့်နိုဝင်ဘာတွင် အာဆီယံထိပ်သီးညီလာခံကျင်းပရန်ရှိပြီး ယင်းညီလာခံမတိုင်မီ အာဆီယံနိုင်ငံခြားရေးဝန်ကြီးများသည် အောက်တိုဘာ ၂၇ ရက်တွင် ဂျာကာတာ၌ မြန်မာ့အရေးနှင့်ပတ်သက်၍ ဆွေးနွေးကြမည်ဖြစ်သည်။

ဆက်စပ်သတင်းများ

သတင်း

မြန်မာနိုင်ငံမှာ နိုင်ငံသားတွေ၊ အာဆီယံ အဖွဲ့ဝင်တွေ အပါအဝင် နိုင်ငံခြားသားတွေ အားလုံးရဲ့ လုံခြုံဘေးကင်းရေးကို အလေးထား ဆောင်ရွက်ပေးဖို့ကလည်း အထူးအရေးပါတဲ့ တောင်းဆိုမှု တစ်ခုလို့ ထုတ်ပြန်ချက်မှာ ဖော်ပြထားခဲ့ပါတယ်။

သတင်း

မြန်မာနှင့်အတူ လာအိုနိုင်ငံက ၁၅ ဒဿမ ၂ ရာခိုင်နှုန်း၊ ကမ္ဘောဒီယားနိုင်ငံက ၈ ဒသမ ၄ရာခိုင်နှုန်းနှင့် ဗီယက်နမ်နိုင်ငံက ၄ ဒသမ ၆ ရာခိုင်နှုန်းရှိသည်ဟု​ဖော်ပြထားသည်။

သတင်း

စစ်ကောင်စီလေတပ်ဦးစီးချုပ် ဥက္ကဋ္ဌအဖြစ် ဦးဆောင် ကျင်းပမယ့် အဲဒီညီလာခံကို အင်ဒိုနီးရှား၊ ဖိလစ်ပိုင် နဲ့ မလေးရှားနိုင်ငံတွေက လေတပ်အကြီးအကဲတွေ တက်ရောက်မှာမဟုတ်ဘူးလို့ AFP သတင်းကဆိုပါတယ်။

သတင်း

၂၀၂၁ ခုနှစ်၊ ဖေဖော်ဝါရီ လဆန်းမှာ ဒေါ်အောင်ဆန်းစုကြည် ဦးဆောင်တဲ့ ဒီမိုကရေစီ အစိုးရကို အင်အားသုံး ဖြုတ်ချပြီး အာဏာသိမ်းလိုက် ကတည်းက မြန်မာ စစ်တပ်ဟာ နိုင်ငံအနှံ့မှာ အားကောင်းတဲ့ လက်နက်ကိုင် တော်လှန်မှုတွေကို ရင်ဆိုင်နေရပါတယ်။