ကလေးမြို့တွင် စစ်ကောင်စီတပ်ကို ယမန်နေ့ (အောက်တို့ဘာ ၂၁ )ကနှစ်ကြိမ် မိုင်းဆွဲတိုက်ခိုက်ခဲ့ရာ စစ်ကောင်စီတပ်ဘက်မှ အရာရှိအပါအဝင် အနည်းဆုံး ၃ ဦးသေဆုံးကြောင်း ကလေးမြု့နယ် ပြည်သူ့ကာကွယ်ရေးတပ်က သတင်းထုတ်ပြန်သည်။
ကလေးမြို့တောင်ပိုင်း၊ နည်းပညာတက္ကသိုလ်အနီးတွင် မိုင်းရှင်းနေသည့် စစ်ကောင်စီတပ်နှင့် ကလေးမြို့မြောက်ဘက်၊ မြို့ပြင် ဖောင်းကူးတံတားဘက်သို့မောင်းနှင်လာသည့် စစ်ကောင်စီ ယာဉ် နှစ်စီးတို့ကို ယမတ်နေ့ မနက်ပိုင်းက မိုင်းဆွဲတိုက်ခိုက်ခြင်းဖြစ်သည်။
နည်းပညာတက္ကသိုလ်အနီးတွင် မိုင်းရှင်းရန် ရောက်လာသည့် စစ်ကောင်စီတပ်ဖွဲ့ဝင် ၇ ဦးကို အောက်တိုဘာ ၃၁ ရက် နံနက် ၁၀ နာရီခန့်က အသင့်တပ်ဆင်ထားသည့် မိုင်းဖြင့်ဖောက်ခွဲတိုက်ခိုက်ခဲ့ရာ စစ်ကောင်စီ ၃ ဦးသေဆုံးခဲ့သည်ဟု PDF(ကလေး)ကဖော်ပြသည်။ သေဆုံးသူ သုံးဦးတွင် စစ်ကောင်စီတပ်မှ အရာရှိလည်းပါဝင်ပြီး ဒဏ်ရာရရှိသူများလည်းရှိသည်ဟု သိရသည်။
“မိုင်းကို ဖြုတ်ဖို့ လုပ်နေရင်းကွဲသွားလို့ အသေများသွားတာ။ သေတဲ့ထဲမှာဗိုလ်တယောက်လည်းပါတယ်”ဟုPDF-ကလေးနှင့်နီးစပ်သူတစ်ဦးကပြောသည်။
Public Service Announcement
အဆိုပါတိုက်ခိုက်မှုကို PDF(ကလေး) မိုင်းအဖွဲ့က ထုတ်လုပ်ထားသည့် ရှေ့ထွက်မိုင်းများဖြင့်တိုက်ခိုက်ခဲ့ခြင်းဖြစ်သည်ဟုလည်း သိရသည်။ စစ်ကောင်စီတပ်သေဆုံးထိခိုက်မှု အခြေအနေကို People’s Spring ကသီးခြားအတည်မပြုနိုင်သေးပါ ။
မိုင်းပေါက်ကွဲပြီးနောက် စစ်ကောင်စီတပ်က ရမ်းသမ်းပစ်ခတ်မှုများကို၁၀မိနစ်ခန့်ပြုလုပ်ခဲ့သည်ဟုလည်းPDF(ကလေး)ကဆိုထားသည်။
ထိုအပြင်ကလေးမြို့မြောက်ပိုင်းမြို့ပြင်တွင်ဖောင်ကူးတံတားဘက်သို့မောင်းနှင်လာသည့် စစ်ကောင်စီတပ်ယာဉ်နှစ်စီးကို လည်းအသင့်တပ်ဆင်ထားသည့် မိုင်း ၃ လုံးဖြင့်တိုက်ခိုက်ခဲ့သည်။ မိုင်းထိမှန်ခြင်းကြောင့် စစ်ကောင်စီကားတစ်စီး လမ်းဘေးထိုးရပ်သွားသော်လည်း ထိခိုက်သေဆုံးမှုအခြေအနေကိုအတည်မပြုနိုင်သေးကြောင်းလည်းထုတ်ပြန်ထားသည်။
အောက်တိုဘာ ၃၀ ရက်ကလည်း ကလေးမြို့ ဗိုလ်ချုပ်လမ်းမကြီးအတိုင်း အရှေ့မှ အနောက်သို့မောင်းနှင်လာသော စစ်ကောင်စီတပ်ကား ၃ စီးကို ကြို့သုံးပင်ရပ်ကွက် ၊ဆင်ရွာလမ်းခွဲအနီးတွင် မိုင်းခွဲတိုက်ခိုက်ရာ နောက်ဆုံးကားထိမှန်၍ လမ်းဘေးထိုးရပ်သွားပြီးသေဆုံးထိခိုက်သူများနိုင်ကြောင်း ကလေးPDFကထုတ်ပြန်ထားသည်။
