မတ္တရာနယ်ရှိ စစ်ကောင်စီအရာရှိတစ်ဦးအား ပစ်ခတ်ရှင်းလင်း

မန္တလေးတိုင်း၊ မတ္တရာမြို့နယ် မြွေတလိုင်းကျေးရွာနေ စစ်ကောင်စီ၏ ဗိုလ်မှူးတစ်ဦး နှစ်ကြိမ်တိုက်ခိုက်ခံရပြီးနောက် သေဆုံးသွားကြောင်း တောကြီးမြွေပွေးအဖွဲ့က သတင်းထုတ်ပြန်သည်။

ယနေ့ (နိုဝင်ဘာလ ၇ ရက်) နံနက်ပိုင်းက ပြင်ဦးလွင်ခရိုင် မတ္တရာမြို့နယ်၊ မြွေတလိုင်းကျေးရွာတွင်နေထိုင်သော ဗိုလ်မှူးအောင်နိုင်စိုးကို ဝင်ရောက် ပစ်ခတ်ရှင်းလင်းခဲ့ကြောင်း တောကြီးမြွေပွေးအဖွဲ့က အသိပေးသည်။

၎င်းသည် ရခိုင်ပြည်နယ်၊ အမ်းမြို့နယ်မှ ပြောင်းရွှေ့လာပြီး ထီးတော်မိုး စုဆောင်းရေးတပ်တွင် တာဝန်ထမ်းဆောင်ပြီး မြွေတလိုင်းကျေးရွာတွင် နေထိုင်နေသူဖြစ်ကြောင်း၊ မြွေတလိုင်းကျေးရွာနေအိမ်၌ ဝင်ရောက်ပစ်ခတ်ခဲ့ခြင်းဖြစ်ပြီး သေနတ်နှစ်ချက်မှန်ကာမသေဘဲ ထွက်ပြေးခဲ့ကြောင်း၊ ထို့နောက် လိုက်လံပစ်ခတ်ရာ ဆိပ်ကမ်းတစ်နေရာ၌ ပစ်ခတ်ခံရပြီး သေဆုံးသွားကြောင်း တောကြီးမြွေပွေးအဖွဲ့၏ ထုတ်ပြန်ချက်တွင် ဖော်ပြသည်။

၎င်းသည် မတ္တရာနယ်နှင့် ဝက်လက်နယ်များအတွက် စစ်ကောင်စီစစ်ကြောင်းများအား မော်တော်နှင့်စားနပ်ရိက္ခာများ စီစဥ်ပေးနေသူဖြစ်ကြောင်း တောကြီးမြွေပွေးအဖွဲ့က အသိပေးသည်။

Public Service Announcement

၎င်းအား တောကြီးမြွေပွေး၊ ကောင်းကင်တော်လှန်ရေး အင်အားစုနှင့် ဒေါင်းစစ်သည်အဖွဲ့များပူးပေါင်းကာ ရှင်းလင်းခဲ့ခြင်းဖြစ်ကြောင်း အသိပေးထားသည်။

တောကြီးမြွေပွေးအဖွဲ့အား ဆက်သွယ်မေးမြန်းထားပြီးပြန်လည်ဖြေကြားခြင်း မရှိသေးပေ။