ချင်းပြည်နယ် ဟားခါးနှင့်ထန်တလန်မြို့ကြားသီမြစ်ချောင်းအနီးတဝိုက်တွင် စစ်ကောင်စီတပ်နှင့် ဒေသခံကာကွယ်ရေးတပ်တို့ ယမန်နေ့ကတိုက်ပွဲဖြစ်ပွားခဲ့ပြီးစစ်တပ်ထံမှလက်နက်ခဲယမ်းအချို့သိမ်းဆည်းရရှိကြောင်းချင်းပြည်ကာကွယ်ရေးတပ်များထံမှသိရသည်။
စစ်ကောင်စီထံမှ သိမ်းဆည်းရမိသည့် လက်နက်များမှာ MA1 တစ်လက်၊ MA2 တစ်လက်၊ MA3 တစ်လက်၊စက်လက်( Machine Gun)တစ်လက်နှင့် ကျည်ဆံ တစ်ထောင်ကျော် သိမ်းဆည်းရမိသည်ဟု ဒေသတွင်းသတင်းဌာနများကဖော်ပြသည်။ စစ်ကောင်စီတပ် သေဆုံးဒဏ်ရာရမှုအခြေအနေကိုမူမသိရသေးပေ။
တိုက်ပွဲသည် နိုဝင်ဘာ ၂၁ ရက်(ယမန့်နေ့)က မနက်ပိုင်းမှ ညနေပိုင်း ၃နာရီအထိ ဖြစ်ပွားပြီး ဒေသခံကာကွယ်ရေးတပ်များဖြစ်သည့် CNA ၊CDFတို့ဘက်မှအထိအခိုက်မရှိကြောင်းလည်းဒေသတင်းသတင်းရင်းမြစ်များထံမှသိရသည်။
ထိုတိုက်ပွဲတွင် စစ်ကောင်စီတပ်က လေကြောင်းပစ်ကူအဖြစ် ရဟတ်ယာဉ်ဖြင့်လာရောက်ပစ်ခတ်ခဲ့ပြီး ဟားခါးမြို့ပေါ်တွင် အထိုင်ချထားသည့်စစ်ကောင်စီတပ်ကလည်းလက်နက်ကြီးများဖြင့်ပစ်ခတ်ခဲ့သည်ဟုဒေသခံကာကွယ်ရေးတပ်ဖွဲ့များကပြောသည်။
Public Service Announcement
သစ်မြစ်ချောင်းတဝှိုက်တွင် စစ်ကောင်စီတပ်နှင့် ချင်းပြည်ကာကွယ်ရေးတပ်တို့ကြား လွန့်ခဲ့သည့် သီတင်းပတ်နှစ်ပတ်ကတည်းကတိုက်ပွဲများပြန်လည်ပြင်းထန်လာနေခြင်းဖြစ်သည်။ ချင်းအမျိုးသားတပ်ဦး( CNF)က ယမန့်နှစ်ကတည်း ဟားခါးမြို့နှင့် ထန်တလန်မြို့ကြားဆက်သွယ်ထားသည် သီမြစ်ချောင်းကူးတံတားကိုဖြတ်တောက်ထားခဲ့သည်။
