Connect with us

Hi, what are you looking for?

LuduNwayOo

သတင်း

မုံရွာ – ချောင်းဦးလမ်းပိုင်းတွင် စစ်ကောင်စီ၏ ကျောက်စိမ်းတင်ယာဥ်အပါအဝင် စစ်ယာဉ်တန်းအား နှစ်ကြိမ်တိုက်ခိုက်ရာ ထိခိုက်သေဆုံးမှုရှိ

ယမန်နေ့ကပင် မုံရွာ-မန္တလေးလမ်းပိုင်း၊ မြင်းမူမြို့နယ်အတွင်း စစ်ကောင်စီယာဥ်များ သုံးကြိမ် ထက်မနည်း ထပ်မံတိုက်ခိုက်ခံခဲ့ရသေးသည်။

(နိုဝင်ဘာ ၂၃ ရက်က မုံရွာ-မန္တလေးလမ်းမကြီးပေါ်တွင် တောပုရွာပျူများအား တိုက်ခိုက်နေသည့် PDF-South Monywa ရဲဘော်များအား တွေ့ရစဥ်)
(နိုဝင်ဘာ ၂၃ ရက်က မုံရွာ-မန္တလေးလမ်းမကြီးပေါ်တွင် တောပုရွာပျူများအား တိုက်ခိုက်နေသည့် PDF-South Monywa ရဲဘော်များအား တွေ့ရစဥ်)

စစ်ကိုင်းတိုင်း၊ မုံရွာ – မန္တလေးလမ်းမကြီးပေါ်တွင် စစ်ကောင်စီ၏ ကျောက်စိမ်းတင်ယာဥ်တန်းအပါ အဝင် စစ်ယာဉ်တန်းအား နှစ်ကြိမ်တိုင် တိုက်ခိုက်ခဲ့ရာ စစ်ကောင်စီတပ်သားအများအပြားသေဆုံးနိုင်ကြောင်း မုံရွာခရိုင်အမှတ်(၁၁)တပ်ရင်း PDF-South Monywa တာဝန်ခံ Daung Karyan က ပြောကြားသည်။

ယမန်နေ့ (နိုဝင်ဘာ၂၅ ရက်)နံနက် ၁၁ နာရီ ၁၅ မိနစ်ခန့်က မုံရွာ – မန္တလေးလမ်းမကြီး၏ မုံရွာချောင်းဦးလမ်းပိုင်းတစ်နေရာတွင် မုံရွာမှ မန္တလေးမြို့ဘက်သို့လာသော ကျောက်စိမ်းကားကြီး လေးစီးနှင့် နောက်မှကပ်ပါလာသော ကင်းကား တစ်စီးအား ပဒေသာမိုင်း (၇)လုံး ဖောက်ခွဲတိုက်ခိုက်ခဲ့သည်။

ထိုသို့တိုက်ခိုက်မှုကြောင့် လေးစီးမြောက်ယာဉ်နှင့် နောက်ဆုံး ကင်းကားအား တည့်တည့်ထိပြီး ငါးဦးသေ သုံးဦးထိခိုက်ဒဏ်ရာရရှိသွားကြောင်း PDF-South Monywa တာဝန်ခံ Daung Karyan က ပြောသည်။

ထို့အပြင် မွန်းလွဲ ၂ နာရီ ၁၅ မိနစ်ခန့်တွင်လည်း မုံရွာချောင်းဦးလမ်းပိုင်းတစ်နေရာတွင် မုံရွာမှ မန္တလေးမြို့ဘက်သို့လာသော စစ်ကား နှစ်စီးသည် မိုင်းအသင့်ပြင်ထားရာနေရာအရောက် ကားများရပ်တန့်ခဲ့သည်။ ဘေးပတ်ဝန်းကျင်တွင် ကင်းပုန်းများလည်း ၃၀ကျော်ခန့် ချထားသည်။

ထိုအချိန် ပဒေသာမိုင်း လေးလုံးခွဲကာ တိုက်ခိုက်ခဲ့ရာ ယာဉ်နှစ်စီးလုံးနှင့် ကင်းပုန်းဝပ် စစ်ကောင်စီတ​ပ်ဖွဲ့ဝင် ၁၀ဦး နေရာတွင်ပင် သေဆုံးခဲ့ပြီး ၂၀ဝန်းကျင် ပြင်းထန်ဒဏ်ရာများ ရရှိသွားကြောင်း PDF-South Monywa တာဝန်ခံ Daung Karyan က ပြောသည်။

“ပထမဖြစ်စဥ်က ကျောက်စိမ်းတင်လာတဲ့ကားတွေပါ။ ဒုတိယဖြစ်စဥ်မှာ မိုင်းဆင်ထားတဲ့နေရာ ကားတွေရပ်လိုက်တာက မသိလို့ပဲဖြစ်မှာပါဗျ။ပွိုင့်ပတ်ပတ်လည်မှာလည်း ကင်းပုန်းတွေချထားတာ။ အဲ့မှာကားနှစ်စီးနဲ့ ပွိုင့်ပေါ်တည့်တည့်လာရပ်လို့ဆွဲချလိုက်တာပါ။”ဟု PDF-South Monywa တာဝန်ခံ Daung Karyan က ပြောသည်။

ရုပ်အလောင်းများအား ထပ်ပုံထားသည်ဟုဆိုပြီး ထိခိုက်ဒဏ်ရာရသူများအား ဆေးရုံပို့ဆောင်ထားသည်ဟု သိရကြောင်း ၎င်းက ပြောသည်။

ယမန်နေ့ကပင် မုံရွာ-မန္တလေးလမ်းပိုင်း၊ မြင်းမူမြို့နယ်အတွင်း စစ်ကောင်စီယာဥ်များ သုံးကြိမ် ထက်မနည်း ထပ်မံတိုက်ခိုက်ခံခဲ့ရသေးသည်။

You May Also Like

သတင်း

စစ်ကောင်စီအနေဖြင့် ပြည်သူလူထုကို နည်းမျိုးစုံဖြင့် အကြမ်းဖက်နေသည်မှာ (၂)နှစ်ကြာရှိပြီဖြစ် သော်လည်း စစ်ကောင်စီနှင့် ဆွေးနွေးမှုလုပ်နေသည့် တိုင်းရင်းသားလက်နက်ကိုင် အဖွဲ့များက အတုအယောင်ငြိမ်းချမ်းရေးဆွေးနွေးမှုများ ဆက်လက်ပြုလုပ်နေခြင်းအပေါ် KNU တာဝန်ရှိသူအား မေးမြန်းရာ အထက်ပါအတိုင်း ပြောကြားခဲ့ခြင်းဖြစ်သည်။

နိုင်ငံတကာ

သွေးသံရဲရဲ ဖြစ်နေတဲ့ မိန်းကလေးကို သူငယ်ချင်းတွေက ရေထဲကနေ ရအောင် ဆွဲတင်ပြီး အသက်ပြန်ရှင်အောင် နည်းလမ်းပေါင်းစုံနဲ့ ကြိုးစားခဲ့ပေမယ့် ဒဏ်ရာ ပြင်းလွန်းတာကြောင့် လက်လွှတ်လိုက်ရတာ ဖြစ်ပါတယ်။

သတင်း

ဖေဖော်ဝါရီလ ၁ ရက် မွန်းလွဲပိုင်းက ရွှေဘိုမြို့နယ် ၊ ဘုန်းဘွဲ့ ကျေးရွာအနီးတွင် စစ်ကြောင်းထိုးလာသော စစ်ကောင်စီတပ်များနှင့် ထိတွေ့တိုက်ပွဲ အပြင်းအထန်ဖြစ်ပွားခဲ့ရာ Black WOLF -ARMY အဖွဲ့က ရဲဘော် ၃ ဦး ကျဆုံးခဲ့သည်။

သတင်း

လှိုင်မြို့နယ် (၃)ရပ်ကွက်မှ ရာအိမ်မှူးမင်းဇော်ဆိုသူအား အမည်မသိလက်နက်ကိုင်တစ်စုက ကားပေါ်မှ ပစ်ခတ်ခဲ့ရာ ဦးခေါင်းထိမှန်ပြီး နေရာတင်သေဆုံးသွားခြင်းဖြစ်သည်ဟု ဒေသခံများက ဆိုသည်။