မြောင်းမြပြည်သူ့လွှတ်တော်ကိုယ်စားလှယ် ဒေါက်တာဝေလင်းအောင်ကို စစ်ကောင်စီတပ်ကဖမ်းဆီးပြီးနောက်တစ်နှစ်ခန့်အကြာတွင်ယနေ့(နိုဝင်ဘာလ ၂၈)ထောင်ဒဏ် ၂၆ နှစ် ချမှတ်လိုက်သည်။
ဒေါက်တာဝေလင်းအောင်ကို အကြမ်းဖက်တိုက်ဖျက်ရေးဥပဒေပုဒ်မ ၅၀(ည)အပါအဝင် ပုဒ်မ လေးခုဖြင့် စစ်ကောင်စီ၏ မြဝတီခရိုင်တရားရုံးကအမိန့်ချမှတ်ခဲ့ခြင်းဖြစ်သည်။
“စစ်ကောင်စီက သူတို့နိုင်မယ်အထင်နဲ့ မတရားပြစ်ဒဏ်ချနေတာ။ အဲ့ဒီအကြွေးတွေ ပြန်ယူမှာ။ စစ်တပ် ကျရှုံးရမယ်” ဟု မြောင်းမြမြို့ခံတစ်ဦးကပြောသည်။
ဒေါက်တာဝေလင်းအောင်သည် ၂၀၂၀ ရွေးကောက်ပွဲတွင် ဒီချုပ်ပါတီကိုယ်စားပြု ယှဥ်ပြိုင်အနိုင်ရရှိခဲ့သည်။ စစ်တပ်ကအာဏာသိမ်းသည့်အခါ စစ်အာဏာရှင်ဆန့်ကျင်ရေး၊တော်လှန်ရေးကိုလုပ်ခဲ့သည်။
Public Service Announcement
ကရင်ပြည်နယ် လေးကေ့ကော်မြို့သစ်တွင် ရောက်ရှိနေစဥ် ၂၀၂၁ ဒီဇင်ဘာ ၁၄ ရက်၌ စစ်ကောင်စီတပ်ကအင်အားအများအပြားဖြင့် လေးကေ့ကော်ကို စီးနင်းပြီး ဒေါက်တာဝေလင်းအောင်အပါအဝင် တော်လှန်ရေးအင်အားစုဝင် ၂၀ ကျော်ကို ဖမ်းဆီးခံခဲ့ရသည်။
