'/%3E%3C/svg%3E){kind=small}
တနင်္သာရီမြို့နယ်ရှိ လယ်သစ်ကျေးရွာ စစ်ကြောင်းထိုးလာသည့် စစ်ကောင်စီတပ်ကို ဒေသကာကွယ်ရေးတပ်များ ပူပေါင်းပြီး သုံးရက်ဆက်တိုက်ခိုက်ခဲ့ရာ စစ်ကောင်စီတပ်သား ခြောက်ဦးသေဆုံးခဲ့သည်ဟု မြိတ်ပြည်သူ့ကာကွယ်ရေးအဖွဲ့-ပကဖ(မြိတ်)မှ တာဝန်ရှိသူက ပြောသည်။
စစ်ကောင်စီတပ်၏ စစ်ကြောင်းတွင် ပျူစောထီးများပါဝင်ပြီး ဒေသခံကာကွယ်ရေးအဖွဲ့ လေးဖွဲ့က နိုဝင်ဘာ ၂၅ရက်၊ ၂၆ ရက်နှင့် ၂၇ ရက်တို့ သုံးရက်ဆက် ပူးပေါင်းတိုက်ခိုက်ခဲ့ခြင်းဖြစ်သည်ဟု မြိတ်(ပကဖ)က ယနေ့ သတင်းထုတ်ပြန်သည်။
အဆိုပါတိုက်ပွဲတွင် စစ်ကောင်စီတပ်က ခြောက်ဦးသေဆုံးပြီး ဒေသကာကွယ်ရေးတပ်များဘက်မှ ရဲဘော်တစ်ဦး ကျဆုံးခဲ့သည်ဟုလည်း မြိတ်(ပကဖ)က အသိပေးထားသည်။
ယင်းတိုက်ခိုက်မှုကို တနင်္သာရီကာကွယ်ရေးပြောက်ကျားအဖွဲ့၊ PDFတပ်ရင်း(၂)၊ တပ်ခွဲ(၂)၊ မြိတ်(ပကဖ)နှင့် ကျွန်းစု(ပကဖ)တို့ တိုက်ခိုက်ခဲ့ခြင်းဖြစ်သည်။
Public Service Announcement
“ဦးဆောင်တဲ့အဖွဲ့က တနင်္သာရီပြောက်ကျားအဖွဲ့”ဟု မြိတ်(ပကဖ)မှ တာဝန်ရှိသူက ပြောသည်။
မြိတ်(ပကဖ)က ထုတ်ပြန်သည့် ဓာတ်ပုံများတွင် စစ်ကောင်စီတပ်ထံမှ လက်နက်ကြီးကျည်ဆံများလည်း သိမ်းစည်းရမိသည်ဟု ထုတ်ပြန်ဖော်ပြထားသည်။ စစ်ကောင်စီတပ်သားများတွင် တိုက်ခိုက်ရေးတပ်သားများမဟုတ်သည့် အမြှောက်တပ်သားများ၏ ယူနီဖောင်းများလည်းပါဝင်သည်။
“စကစအလောင်းတွေ သယ်ယူနေကြလို့ ခဏနားနေတယ်”ဟု တနင်္သာရီကာကွယ်ရေးပြောက်ကျားအဖွဲ့မှ တာဝန်ရှိသူက ပြောသည်။
လက်ရှိတွင် တိုက်ပွဲဆက်ဖြစ်နိုင်ချေရှိပြီး စစ်ကောင်စီတပ်က ကျေးရွာအတွင်းဝင်ရောက်မွှေနှောက်နေသည်ဟု ၎င်းက ဆက်ပြောသည်။
