Connect with us

Hi, what are you looking for?

LuduNwayOo

သတင်း

စစ်ကောင်စီ၏ ထူးချောင်းတပ်စခန်းကို စနိုက်ပါမစ်ရှင်ဖော်ဆောင်၍ ကရင်နီတပ်များ တိုက်ခိုက်

နိုဝင်ဘာ ၂၇ရက် နံနက် ၈နာရီခန့်ကစ၍ KRUနှင့် ဘောလခဲပြည်သူ့ကာကွယ် ရေးတပ်(BPDF) တပ်ရင်း(1105)တို့ ပူးပေါင်းကာ ထူးချောင်းစစ်ကောင်စီတပ်စခန်းကို စနိုက်ပါမစ်ရှင် ဖော်ဆောင်တိုက်ခိုက်ခဲ့သည်ဟု ဆိုသည်။

ထူးချောင်းစစ်ကောင်စီတပ်စခန်းနေရာအား တွေ့ရစဥ်၊ဓာတ်ပုံ - Karenni Revolution Union (KRU)
ထူးချောင်းစစ်ကောင်စီတပ်စခန်းနေရာအား တွေ့ရစဥ်၊ဓာတ်ပုံ - Karenni Revolution Union (KRU)

ကရင်နီ(ကယား)ပြည်နယ်၊ ဘောလခဲမြို့နယ် ထူးချောင်းကျေးရွာရှိ စစ်ကောင်စီတပ်စခန်းကို တိုက်ခိုက်ရာ စစ်ကောင်စီတပ်သားတစ်ဦးသေဆုံးပြီး နှစ်ဦးအပြင်းအထန်ဒဏ်ရာရရှိကြောင်း Karenni Revolution Union (KRU)မှ တာဝန်ရှိသူက ပြောသည်။

နိုဝင်ဘာ ၂၇ရက် နံနက် ၈နာရီခန့်ကစ၍ KRUနှင့် ဘောလခဲပြည်သူ့ကာကွယ် ရေးတပ်(BPDF) တပ်ရင်း(1105)တို့ ပူးပေါင်းကာ ထူးချောင်းစစ်ကောင်စီတပ်စခန်းကို စနိုက်ပါမစ်ရှင် ဖော်ဆောင်တိုက်ခိုက်ခဲ့သည်ဟု ဆိုသည်။

“သုံးနာရီကျော်လောက်ပြင်ဆင်ခဲ့ပြီးမှ တပ်စခန်းကို တိုက်ခဲ့တယ်။ တိုက်ပွဲက ၁၅မိနစ်လောက်ကြာတယ်။ အထိနာတဲ့အချိန် သူတို့ဘက်က လက်နက်ကြီးတွေနဲ့ ပြန်ပစ်တဲ့အချိန် ဆုတ်ခွာခဲ့တာ”ဟု KRU တာဝန်ရှိသူက လူထုနွေဦးသို့ ပြောသည်။

အဆိုပါတိုက်ခိုက်မှုအတွင်း ကရင်နီပူးပေါင်းတပ်များ အထိအခိုက်မရှိခဲ့ကြောင်း အသိပေးသည်။

လက်ရှိ ကရင်နီပြည်နယ်အတွင်း စစ်ကောင်စီက စစ်ရေးအရှိန်မြှင့်တင်ရန် ကြိုးပမ်းမှုများရှိနေ ကြောင်းလည်း ကရင်နီပြည်သူ့ကာကွယ်ရေးတပ်များက သတိပေးထားသည်။

ထို့ကြောင့် တိုက်ပွဲများပြင်းထန်လာနိုင်သည့်အတွက် ပြည်သူများအနေဖြင့် သတိပေးထုတ်ပြန်ချက်များကို နားစွန့်ရန်နှင့် လိုက်နာပေးရန်လည်း ပြည်သူ့ကာကွယ်ရေးတပ်များက တိုက်တွန်းထားသည်။

You May Also Like

သတင်း

စစ်ကောင်စီအနေဖြင့် ပြည်သူလူထုကို နည်းမျိုးစုံဖြင့် အကြမ်းဖက်နေသည်မှာ (၂)နှစ်ကြာရှိပြီဖြစ် သော်လည်း စစ်ကောင်စီနှင့် ဆွေးနွေးမှုလုပ်နေသည့် တိုင်းရင်းသားလက်နက်ကိုင် အဖွဲ့များက အတုအယောင်ငြိမ်းချမ်းရေးဆွေးနွေးမှုများ ဆက်လက်ပြုလုပ်နေခြင်းအပေါ် KNU တာဝန်ရှိသူအား မေးမြန်းရာ အထက်ပါအတိုင်း ပြောကြားခဲ့ခြင်းဖြစ်သည်။

သတင်း

ဖေဖော်ဝါရီလ ၁ ရက် မွန်းလွဲပိုင်းက ရွှေဘိုမြို့နယ် ၊ ဘုန်းဘွဲ့ ကျေးရွာအနီးတွင် စစ်ကြောင်းထိုးလာသော စစ်ကောင်စီတပ်များနှင့် ထိတွေ့တိုက်ပွဲ အပြင်းအထန်ဖြစ်ပွားခဲ့ရာ Black WOLF -ARMY အဖွဲ့က ရဲဘော် ၃ ဦး ကျဆုံးခဲ့သည်။

သတင်း

လှိုင်မြို့နယ် (၃)ရပ်ကွက်မှ ရာအိမ်မှူးမင်းဇော်ဆိုသူအား အမည်မသိလက်နက်ကိုင်တစ်စုက ကားပေါ်မှ ပစ်ခတ်ခဲ့ရာ ဦးခေါင်းထိမှန်ပြီး နေရာတင်သေဆုံးသွားခြင်းဖြစ်သည်ဟု ဒေသခံများက ဆိုသည်။

သတင်း

ထိုသို့ပစ်ခတ်မှုကြောင့် ပုဏ္ဏားကြီးရွာနေ အသက် (၆၀)အရွယ် အမျိုးသားကြီးတစ်ဦး ညာဘက်နားနောက်တည့်တည့်တွင် လက်နက်ကြီးစထိမှန်ခဲ့ပြီး မြေပြင်ကျန်းမာရေးစောင့်ရှောက်သူများက အရေးပေါ်ဆေးကုသမှုပေးနေကြောင်း အထက်ပါအဖွဲ့က ပြောသည်။