Connect with us

Hi, what are you looking for?

LuduNwayOo

သတင်း

အာဆီယံအထူးကိုယ်စားလှယ် မြန်မာနိုင်ငံဆီလာမယ့် ခရီးစဉ်အထမမြောက်

ပရက်ဆွန်ခွန်းကိုယ်တိုင် မြန်မာ့အရေးကို စူပါမန်းပင် ဖြေရှင်းနိုင်မှာ မဟုတ်ဘူးလို့ ခရီးစဉ် ၂ ကြိမ်အပြီး မီဒီယာမှာဖွင့်ဟသွားပါတယ်။

အာဆီယံအထူးကိုယ်စားလှယ် မြန်မာနိုင်ငံဆီလာမယ့် ခရီးစဉ်အထမမြောက်
အာဆီယံအထူးကိုယ်စားလှယ် မြန်မာနိုင်ငံဆီလာမယ့် ခရီးစဉ်အထမမြောက်

မြန်မာနိုင်ငံကို လာမယ့်ရက်သတ္တပတ်အတွင်း လာရောက်မယ့် ကြိုတင်ကြေညာထားတဲ့ အာဆီယံအထူးကိုယ်စားလှယ် ရဲ့ ခရီးစဉ်ဟာအထမမြောက်ဘူးလို့သိရပါတယ်။

ဒါဟာ မြန်မာစစ်ကောင်စီ အာဆီယံ ဘုံသဘောတူညီချက် ၅ ချက်ကိုအကောင်အထည်ဖော်ဖို့ပျက်ကွက်တာနဲ့ ပြီးခဲ့တဲ့ ရက်ပိုင်းက တက္ကသိုလ်ကျောင်းသားတွေကိုသေဒဏ်အမိန့်ချတာတွေကြောင့်ဖြစ်တယ်လို့ သုံးသပ်သူတွေရဲ့ သဘောထားကို ကမ္ဘောဒီးယားအခြေစိုက် ခမာတိုင်းမ်ကဖော်ပြပါတယ်။

အာဆီယံအထူးကိုယ်စားလှယ်ဖြစ်သူ ကမ္ဘောဒီးယားနိုင်ငံခြားရေးဝန်ကြီး ပရက်ဆွန်ခွန်ဟာ ပြီးခဲ့တဲ့ နိုဝင်ဘာလ ၁၇ ရက်မှာ စစ်ကောင်စီက နိုင်ငံရေးအကျဉ်းသားအချို့လွှတ်ပေးတာကိုကြိုဆိုခဲ့ပြီး အပြုသဘောဆောင်တဲ့ လုပ်ရပ်ဖြစ်လို့ မြန်မာနိုင်ငံကိုသွားရောက်မယ်လို့ အဲဒီအချိန်ကကြေညာပါတယ်။

ဒါပေမယ့် စီစဉ်ထားသလို မြန်မာနိုင်ငံဆီ မလာရောက်ဖြစ်တော့ဘူးလို့ သိရပါတယ်။

ခမာတိုင်းမ်ရဲ့ဖော်ပြချက်အရ ပရက်ဆွန်ခွန်ဟာ ဒီဇင်ဘာလ ၁၄ ရက်မှာ ဘရပ်ဆဲလ်မှာကျင်းပမယ့် အာဆီယံ − အီးယူ ထိပ်သီးအစည်းအဝေး တက်ရောက်ဖို့ရှိနေပါတယ်။

ဒါကြောင့်မြန်မာ့အရေးကိုဖြေရှင်းဖို့အာဆီယံအထူးကိုယ်စားလှယ်တာဝန်ကို လာမယ့် နှစ်မှာ ဥက္ကဋ္ဌ တာဝန်ယူမယ့် အင်ဒိုနီးရှားကိုလွှဲပေးလိုက်တော့မယ်လို့ ကမ္ဘောဒီးယားနိုင်ငံခြားရေးဝန်ကြီးဌာနရဲ့အတွင်းဝန်က ခမာတိုင်းမ်ကိုပြောထားပါတယ်။

ပရက်ဆွန်ခွန်ဟာ အာဆီယံ အထူးကိုယ်စားလှယ်တာဝန်ကိုယူပြီးနောက် မြန်မာနိုင်ငံကို ပြီးခဲ့တဲ့ မတ်လနဲ့ဇွန်လတွေအတွင်း ၂ကြိမ် လာရောက်ခဲ့ပါတယ်။

ခရီးစဉ်အတွင်း ဒေါ်အောင်ဆန်းစုကြည်နဲ့တွေ့ဆုံခွင့် တောင်းပေမယ့် စစ်ကောင်စီက ငြင်းပယ်တာကိုကြုံခဲ့ရသလို စစ်ကောင်စီ စီစဉ်ပေးသူတွေနဲ့သာတွေ့ဆုံသွားရပါတယ်။

ဒါကြောင့် အထူးကိုယ်စားလှယ်ရဲ့ ခရီးစဉ်ဟာမအောင်မြင်ဘူးလို့ ဝေဖန်တာတွေလည်းရှိခဲ့ပါတယ်။

ပရက်ဆွန်ခွန်းကိုယ်တိုင် မြန်မာ့အရေးကို စူပါမန်းပင် ဖြေရှင်းနိုင်မှာ မဟုတ်ဘူးလို့ ခရီးစဉ် ၂ ကြိမ်အပြီး မီဒီယာမှာဖွင့်ဟသွားပါတယ်။

လာမယ့်နှစ် အာဆီယံဥက္ကဋ္ဌ တာဝန်ယူမယ့် အင်ဒိုနီးရှားကတော့ မြန်မာ့အရေးတက်ကြွတဲ့နိုင်ငံဖြစ်ပြီး စစ်ကောင်စီကိုထိပ်သီးအစည်းအဝေးမှာတင်မကဘဲ အာဆီယံ နဲ့ ဆက်စပ်နေတဲ့တခြားအဆင့်အစည်းအဝေးတွေမှာပါ မဖိတ်ဖို့ အဆိုပြုထားတဲ့နိုင်ငံလည်းဖြစ်ပါတယ်။

You May Also Like

သတင်း

၂၀၂၁ ခုနှစ်၊ဖေဖော်ဝါရီ ၁ ရက်မှာဒေါ်အောင်ဆန်းစုကြည် ဦးဆောင်တဲ့အရပ်သားအစိုးရကိုစစ်တပ်ကမတရားဖမ်းဆီးပြီးအာဏာသိမ်းလိုက်တဲ့နောက်ပိုင်း လူ့အခွင့်အရေး ကိစ္စအပါအဝင် ကဏ္ဍပေါင်းစုံမှာ နိုင်ငံရဲ့ အခြေအနေက တောက်လျှောက် ဆုတ်ယုတ် လာနေကြောင်း လူ့အခွင့်အရေးဆိုင်ရာ မဟာမင်းကြီး ဗိုလ်ကာ တက်ခ်က ဆိုပါတယ်။

သတင်း

ကုလသမဂ္ဂရဲ့ မူးယစ်ဆေးဝါးနဲ့ ရာဇဝတ်မှုဆိုင်ရာရုံးက (UNODC)ကတော့စစ်အာဏာသိမ်းမှုအပြီးနိုင်ငံစီးပွားရေးစိုက်ဆင်းသွားခြင်းက တောင်သူတွေ ဘိန်းစိုက်ပျိုးမှုဆီ ပြန်ဦးလှည့်သွားစေတဲ့ အဓိက အကြောင်းရင်းတစ်ခု ဖြစ်နိုင်ကြောင်း ပြောပါတယ်။

သတင်း

စစ်ကိုင်းတိုင်း၊ ရွှေဘိုခရိုင်၊ ​ရေဦးမြို့နယ် ၊ချမ်းသာရွာက သက်တမ်း နှစ် ၁၀၀ ​ကျော်ရှည်လျားခဲ့တဲ့ သမိုင်းဝင် ဘုရားကျောင်းကြီးကို အာဏာသိမ်း စစ်ကောင်စီတပ်​တွေက မီးရှို့ ဖျက်ဆီးပစ်ခဲ့တာ ဖြစ်ပါတယ်။

သတင်း

အာဆီယံတွင် အင်ဒိုနီးရှားနိုင်ငံ၏ ခေါင်းဆောင်မှု စတင်သည့်အချိန်သည် မြန်မာနိုင်ငံအရေးနှင့် စပ်လျဉ်းပြီး လူထု၏သဘောထား တဟုန်ထိုးမြင့်တက်နေသည့်ကာလ ဖြစ်သည့်အပြင် မြန်မာနိုင်ငံအတွက် အရေးပါသော အခိုက်အတန့်နှင့်လည်း ကိုက်ညီနေကြောင်း NUG က ဆိုသည်။