စစ်အာဏာရှင်ကိုအမြစ်ဖြတ်ပြီး ဖက်ဒရယ်ပြည်ထောင်စုကို အတူလက်တွဲထူထောင်နိုင်ပါစေဟု သဝဏ်လွှာ၌ ဖော်ပြ
စစ်အာဏာရှင်ကိုအမြစ်ဖြတ်ပြီး ဖက်ဒရယ်ပြည်ထောင်စုကို အတူလက်တွဲထူထောင်နိုင်ပါစေဟု သဝဏ်လွှာ၌ ဖော်ပြအမျိုးသားညီညွတ်ရေးအစိုးရ ကာကွယ်ရေးဝန် ကြီးဌာနမှ တအာင်းနှစ်သစ်ကူးနေ့သို့ သဝဏ်လွှာပေးပို့လာကြောင်း တအာင်းတပ်မတော်(TNLA) သတင်းနှင့် ပြန်ကြားရေးဌာနက ယနေ့ ဖော်ပြသည်။
ဒီဇင်ဘာ ၂၀ရက်က ကျရောက်ခဲ့သည့် ၂၇၁၄ ခုနှစ် တအာင်းနှစ်သစ်ကူးနေ့ကို ဝမ်းမြောက်စွာ ကြိုဆိုကြောင်း NUG ကာကွယ်ရေးဝန်ကြီးဌာနက သဝဏ်လွှာပေးပို့ခဲ့ခြင်းဖြစ်သည်။
“တအာင်းလူမျိုးများ၏ ရိုးရာယဉ်ကျေးမှု၊ စာပေ၊ ဓလေ့ထုံးတမ်းစသည့် အမွေအနှစ်များကို မပျောက်ပျက်အောင် အစဉ်အမြဲ လက်ဆင့်ကမ်း ထိန်းသိမ်းစောင့်ရှောက်နိုင်ပါစေဟု ဆုမွန်ကောင်း တောင်းအပ်ပါသည်”ဟု သဝဏ်လွှာ၌ ဖော်ပြသည်။
တအာင်းလူမျိုးများအပါအဝင် ပြည်ထောင်စုဖွား တိုင်းရင်းသားများအားလုံး ကြုံတွေ့နေကြရသော စစ်အာဏာရှင်စနစ်ဆိုးကို အမြစ်ဖြတ် တော်လှန်ပြီး အနာဂတ် ဖက်ဒရယ်ဒီမိုကရေစီပြည်ထောင် စုကို အတူတကွလက်တွဲတည်ထောင်နိုင်ကြပါစေ ဟု NUG ကာကွယ်ရေးဝန်ကြီးဌာန၏ သဝဏ်လွှာ တွင် ပါရှိသည်။
Public Service Announcement
TNLA အနေဖြင့် တိုင်းရင်းသားတော်လှန်ရေးလက်နက်ကိုင်တပ်ဖွဲ့တစ်ခုဖြစ်ပြီး မကြာသေးမီကပင် နမ့်ဆန်မြို့နယ်၌ စစ်ကောင်စီတပ်နှင့် တိုက်ပွဲပြင်းထန်စွာ ဖြစ်ပွားခဲ့သည့် လက်နက်ကိုင်တပ်ဖြစ်သည်။
