Connect with us

Hi, what are you looking for?

LuduNwayOo

သတင်း

ပွင့်ဖြူမြို့နယ် မဲဇလီရဲစခန်းကို PDFက ရှော့တိုက်ဒုံးဖြင့် တိုက်ခိုက်ခဲ့ရာ ရဲ နှစ်ဦးထိခိုက်ဟု ဒေသခံပြော

အဆိုပါတိုက်ခိုက်မှုကို ချက်ချင်းသတင်းမထုတ် ပြန်ခဲ့ခြင်းမှာ တာဝန်ယူဆောင်ရွက်ခဲ့သည့် PDF ရဲဘော်များ၏ လုံခြုံရေးကြောင့်ဖြစ်ပြီး လက်ရှိတွင်ဘေးကင်းရာသို့ ရောက်ရှိပြီဟု ဒေသခံက ပြောသည်။

၂၀၂၁ ဒီဇင်ဘာလပိုင်းတွင် ပွင့်ဖြူရဲတပ်ဖွဲ့က လမ်းသွားလမ်းလာများအား စစ်ဆေးနေစဉ်၊ ဓာတ်ပုံ - ပွင်ဖြူဟစ်တိုင်
၂၀၂၁ ဒီဇင်ဘာလပိုင်းတွင် ပွင့်ဖြူရဲတပ်ဖွဲ့က လမ်းသွားလမ်းလာများအား စစ်ဆေးနေစဉ်၊ ဓာတ်ပုံ - ပွင်ဖြူဟစ်တိုင်

မကွေးတိုင်း ပွင့်ဖြူမြို့နယ် မဲဇလီရဲစခန်းကို နှစ်သစ်ကူး ဒီဇင်ဘာ ၃၁ရက် ညပိုင်းက ရှော့တိုက်ဒုံးဖြင့် တိုက်ခိုက်ခဲ့ရာ စစ်ကောင်စီလက်ပါးစေရဲ နှစ်ဦး ထိခိုက်မှုရှိခဲ့သည်ဟု ပြည်သူ့ကာကွယ်ရေးတပ်(PDF) များနှင့်နီးစပ်သည့် ပွင့်ဖြူဒေသခံက ပြောသည်။

“ပစ်တဲ့နေရာမှာ တစ်လုံးပဲ ပစ်ခဲ့နိုင်တယ်။ အကြောင်းကြောင်းကြောင့် သုံးလုံးကတော့ မပစ်ခဲ့နိုင်ဘူး။ ဒီလို ပစ်တဲ့နေရာမှာ ရခ နှစ်ဦး ထိခိုက်ဒဏ်ရာရတယ်လို့လည်း သိရတယ်။ သေကြေတာတော့ အတိအကျမသိရဘူးပေါ့။သေတယ်လို့လည်း ပြောတယ်” ဟု ပွင့်ဖြူဒေသခံက ပြောသည်။

“သရက် – ကံမ ရဲဘော်တွေအတွက်ရယ် နှစ်ကူးတိုက်ပွဲခေါ်သံပေးချင်တာ။ ကျနော်တို့ နှစ်ပါတ်လောက် ထောက်လှမ်းရေးလုပ်တယ်။ ပစ်မှတ်ကိုထိဘို့ နေရာရှာရတယ်။ အကွာအဝေးရောပေါ့။ လေးလုံးပစ်ဘို့ ဆင်ပြီးသား၊ သုံးလုံးက အအေးရိုက်သွားလို့ အယ်ဒါဖြစ်သွားတယ်။ တစ်လုံးပဲပေါက်တယ်”ဟု ပွင့်ဖြူ(ပ.က.ဖ)မှ ခေါင်းဆောင်တစ်ဦးဖြစ်သူ ကိုရာဇာကြီးက ပြောသည်။

အဆိုပါတိုက်ခိုက်မှုတွင် ရဲနှစ်ဦး၊ သောက်စားပျော်ပါးရန်ရောက်ရှိနေသည့် စစ်ကောင်စီထောက်တိုင်တစ်ဦး ထိခိုက်သွားပြီး နောက်ဆုံးအခြေအနေအရ သေဆုံးနိုင်ကြောင်း ကိုရာဇာကြီးက ဆက်ပြောသည်။

Public Service Announcement
Public Service Announcement

“ဒီလိုတိုက်ခိုက်တာဟာ ပြီးခဲ့တဲ့နှစ် ဇွန်လတုန်းက သရက်-ကံမ ကလေးတွေရဲ့ သွေးကြွေးကို ပြန်ဆပ်တဲ့အနေနဲ့ရော ၂၀၂၃ နှစ်ဦးကို ကြိုဆိုတဲ့အနေနဲ့ရော မဲဇလီရဲစခန်းကို ပွင့်ဖြူ PDFက စတင်ပြီးတော့ တိုက်ခိုက်တယ်။ အရှိန်အဟုန်မြှင့်ပြီးတော့ ဆက်လက်တိုက်ခိုက်သွားမယ်”ဟု ပွင့်ဖြူဒေသခံက ပြောသည်။

Public Service Announcement

Public Service Announcement

ပွင့်ဖြူမြို့နယ်ရှိ စစ်ကောင်စီ လက်အောက်ခံ လျှပ်စစ်ရုံးများကိုလည်း ဆက်လက်တိုက်ခိုက်သွားရန်ရှိကြောင်း ၎င်းက ဆိုသည်။

အဆိုပါတိုက်ခိုက်မှုကို ချက်ချင်းသတင်းမထုတ် ပြန်ခဲ့ခြင်းမှာ တာဝန်ယူဆောင်ရွက်ခဲ့သည့် PDF ရဲဘော်များ၏ လုံခြုံရေးကြောင့်ဖြစ်ပြီး လက်ရှိတွင်ဘေးကင်းရာသို့ ရောက်ရှိပြီဟု ဒေသခံက ပြောသည်။

တချိန်တည်း၌ပင် စလင်းမြို့နယ် ကံပြားစခန်းကိုလည်း စလင်း PDFက တိုက်ခိုက်ခဲ့ရာ စစ်ကောင်စီတပ်က ထိခိုက်သေဆုံးမှုရှိခဲ့သည်ဟု သိရကြောင်း ပွင့်ဖြူဒေသခံက ပြောသည်။