Connect with us

Hi, what are you looking for?

LuduNwayOo

သတင်း

ခင်ဦးတွင် စစ်ကောင်စီတပ် ခြေလျင်စစ်ကြောင်းကို ပဒေသာမိုင်းဖြင့် တိုက်ခိုက်

သတင်းရသဖြင့် တော်လှန်ရေး ရဲဘော်များက သုံးလုံးတွဲ ပဒေသာမိုင်းဖြင့် စောင့်ဆိုင်းဖောက်ခွဲတိုက်ခိုက်ခဲ့ရာ ရှေ့ပြေး ငါးဦးနေရာတင် ပွဲချင်းပြီးသေဆုံး၍ သုံးဦးခန့် ထိခိုက်ဒဏ်ရာရရှိသွားကြောင်း KSOအဖွဲ့ ပြန်ကြားရေးတာဝန်ခံက ပြောသည်။

စစ်ဆင်ရေးတစ်ခုတွင် တွေ့ရသည့် Khin U Special Force Organization-KSOအဖွဲ့ဝင်များ၊ဓာတ်ပုံ-KSO
စစ်ဆင်ရေးတစ်ခုတွင် တွေ့ရသည့် Khin U Special Force Organization-KSOအဖွဲ့ဝင်များ၊ဓာတ်ပုံ-KSO

စစ်ကိုင်းတိုင်း၊ ခင်ဦးမြို့နယ်တွင် စစ်ကောင်စီတပ်၏ ခြေလျင်စစ်ကြောင်းကို ပဒေသာမိုင်းဖြင့် စောင့်ဆိုင်းတိုက်ခိုက်ရာ စစ်ကောင်စီတပ်ဖွဲ့ဝင် များ ထိခိုက်သေဆုံးမှုရှိကြောင်း Khin U Special Force Organization-KSOအဖွဲ့ ပြန်ကြားရေးတာဝန်ခံက ပြောသည်။

ယနေ့ (ဇန်နဝါရီ၂၃ ရက်)နံနက် ၇ နာရီခွဲခန့်က ခင်ဦးမြို့နယ်အနောက်ခြမ်း၊ ရေဦးမြို့နှင့်(၂)မိုင်ခန့်သာ ကွာဝေးသော အင်းပတ်ကွေ့ဈေးတန်း၌ အထိုင်ချထားသော စစ်ကောင်စီတ​ပ်သား ၁၅ ဦးခန့်သည် အင်းပတ်ကွေ့တောင်ဘက် ကြက်ခြံသို့ ခြေလျင်တက်လာခဲ့သည်။

သတင်းရသဖြင့် တော်လှန်ရေး ရဲဘော်များက သုံးလုံးတွဲ ပဒေသာမိုင်းဖြင့် စောင့်ဆိုင်းဖောက်ခွဲတိုက်ခိုက်ခဲ့ရာ ရှေ့ပြေး ငါးဦးနေရာတင် ပွဲချင်းပြီးသေဆုံး၍ သုံးဦးခန့် ထိခိုက်ဒဏ်ရာရရှိသွားကြောင်း KSOအဖွဲ့ ပြန်ကြားရေးတာဝန်ခံက ပြောသည်။

Public Service Announcement
Public Service Announcement

“ပေလမ်းပေါ်မှာလည်း သွေးကွက်တွေ တွေ့ခဲ့ရတယ်။ ရေဦးဘက်မှာလည်း အင်အား နှစ်ရာခန့်နဲ့ စစ်ကြောင်းထိုးနေတယ်။ ခင်ဦးဘက်ကို အာရုံလွှဲတဲ့ပုံစံမျိူးအနေအထားနဲ့ ထွက်လာတဲ့ပုံစံမျိုးလို့ ထင်ရတာပေါ့။”ဟု အထက်ပါ ပြန်ကြားရေးတာဝန်ခံက ပြောသည်။

ထိခိုက်သေဆုံးသူများအား ကားဖြင့်တင်ဆောင်ကာ ရေဦးမြို့ဘက်သို့ သယ်ဆောင်သွားသည် ဟု သိရသည်။

ခင်ဦးနယ်နှင့်ကပ်နေသော ရေဦးမြို့နယ်တွင်လည်း နယ်မြောက်ပိုင်းကို စစ်ကောင်စီတပ်က သုံးရက်ဆက်တိုက် စစ်ကြောင်းထိုးနေပြီး ကျေးရွာ သုံးရွာ မီးရှို့ဖျက်ဆီးခံထားရသည်။ ပြည်သူနှစ်ဦးသတ်ဖြတ်ခံထားရကာ ကျေးရွာ၁၅ ရွာမှ ဒေသခံပြည်သူထောင်ချီ ထွက်ပြေးနေရသည်။

You May Also Like

သတင်း

စစ်ကောင်စီအနေဖြင့် ပြည်သူလူထုကို နည်းမျိုးစုံဖြင့် အကြမ်းဖက်နေသည်မှာ (၂)နှစ်ကြာရှိပြီဖြစ် သော်လည်း စစ်ကောင်စီနှင့် ဆွေးနွေးမှုလုပ်နေသည့် တိုင်းရင်းသားလက်နက်ကိုင် အဖွဲ့များက အတုအယောင်ငြိမ်းချမ်းရေးဆွေးနွေးမှုများ ဆက်လက်ပြုလုပ်နေခြင်းအပေါ် KNU တာဝန်ရှိသူအား မေးမြန်းရာ အထက်ပါအတိုင်း ပြောကြားခဲ့ခြင်းဖြစ်သည်။

သတင်း

ဖေဖော်ဝါရီလ ၁ ရက် မွန်းလွဲပိုင်းက ရွှေဘိုမြို့နယ် ၊ ဘုန်းဘွဲ့ ကျေးရွာအနီးတွင် စစ်ကြောင်းထိုးလာသော စစ်ကောင်စီတပ်များနှင့် ထိတွေ့တိုက်ပွဲ အပြင်းအထန်ဖြစ်ပွားခဲ့ရာ Black WOLF -ARMY အဖွဲ့က ရဲဘော် ၃ ဦး ကျဆုံးခဲ့သည်။

သတင်း

လှိုင်မြို့နယ် (၃)ရပ်ကွက်မှ ရာအိမ်မှူးမင်းဇော်ဆိုသူအား အမည်မသိလက်နက်ကိုင်တစ်စုက ကားပေါ်မှ ပစ်ခတ်ခဲ့ရာ ဦးခေါင်းထိမှန်ပြီး နေရာတင်သေဆုံးသွားခြင်းဖြစ်သည်ဟု ဒေသခံများက ဆိုသည်။

သတင်း

ထိုသို့ပစ်ခတ်မှုကြောင့် ပုဏ္ဏားကြီးရွာနေ အသက် (၆၀)အရွယ် အမျိုးသားကြီးတစ်ဦး ညာဘက်နားနောက်တည့်တည့်တွင် လက်နက်ကြီးစထိမှန်ခဲ့ပြီး မြေပြင်ကျန်းမာရေးစောင့်ရှောက်သူများက အရေးပေါ်ဆေးကုသမှုပေးနေကြောင်း အထက်ပါအဖွဲ့က ပြောသည်။