Connect with us

Hi, what are you looking for?

LuduNwayOo

သတင်း

စစ်​ကောင်စီရွေးကောက်ပွဲအတွက် စာရင်းလိုက်ကောက်နေသည့် စစ်အုပ်စုအား မိုင်းဆွဲတိုက်ခိုက်

အာဏာသိမ်းစစ်ကောင်စီက ၎င်းတို့ကျင်းပပြုလုပ်မည့် ရွေးကောက်ပွဲအတွက် ကြိုတင်ပြင်ဆင်မှုများစတင်ဆောင်ရွက်နေပြီး မြေပြင်ကွင်းဆင်းဆောင်ရွက်ပေးနေသည့် စစ်အုပ်စုကိုလည်း တော်လှန်ရေးအင်အားစုများက တန်ပြန်သတိပေးအရေးယူမှုများ ပြုလုပ်နေပြီဖြစ်သည်။

(ရွှေခြံသားပြောက်ကျားတပ်ဖွဲ့ကထုတ်လုပ်၍မိုင်းဆွဲတိုင်ခိုက်ခဲ့​​သောမိုင်းများ။ဓါတ်ပုံ-ရွှေခြံသားပြောက်ကျားတပ်ဖွဲ့)
(ရွှေခြံသားပြောက်ကျားတပ်ဖွဲ့ကထုတ်လုပ်၍မိုင်းဆွဲတိုင်ခိုက်ခဲ့​​သောမိုင်းများ။ဓါတ်ပုံ-ရွှေခြံသားပြောက်ကျားတပ်ဖွဲ့)

မန္တလေးတိုင်း၊ မြင်းခြံမြို့နယ်တွင် ယမန်နေ့ညနေပိုင်းက စစ်​ကောင်စီရွေးကောက်ပွဲအတွက် လူဦး​ရေစာရင်းလိုက်ကောက်နေသည့် စစ်အုပ်စုအား မိုင်းဆွဲတိုက်ခိုက်ရာ ထိခိုက်သေဆုံးမှုများရှိကြောင်း ရွှေခြံသားပြောက်ကျားတပ်ဖွဲ့က သတင်းထုတ်ပြန်သည်။

ယမန်နေ့ ဇန်နဝါရီလ ၂၆ ရက်နေ့ ညနေ ၄ နာရီခွဲခန့်က မြင်းခြံမြို့နယ်၊ နဘူးအိုင်ရွာမှ ဆိုင်ကယ်(၇)စီးနှင့် ကားလေး(၂)စီးဖြင့် ထွက်လာသော အင်အား၂၅ ​ယောက်ခန့်ပါ​သည့် စစ်ကောင်စီတပ်အား ဖက်ရင်းကျေးရွာနှင့်လေးတန်းကျေးရွာကြားတွင် ပဒေသာမိုင်းဖြင့် မိုင်းဆွဲတိုက်ခိုက်ခဲ့ခြင်းဖြစ်ကြောင်း ရွှေခြံသားပြောက်ကျားတပ်ဖွဲ့က အသိပေးသည်။

ထိုသို့တိုက်ခိုက်မှုကြောင့် စစ်ကောင်စီတပ်သား ၃ ဦးသေဆုံးပြီး တစ်ဦးပြင်းထန်ဒဏ်ရာရရှိသွားသည်ဟုဆိုသည်။ စစ်သားများ​သေဆုံးမှုကို မျက်မြင်​တွေ့ရှိသူများကတစ်ဆင့် အတည်ပြုနိုင်ခဲ့သည်ဟု အဖွဲ့က​ပြောသည်။ စစ်​ကောင်စီတပ်​သေဆုံး ထိခိုက်မှုကို People’s Spring ကသီးခြားအတည်မပြုနိုင်ပါ။

၎င်းစစ်အုပ်စုသည် တရားမဝင်ရွေးကောက်ပွဲအတွက် ရသာကျေးရွာသို့ အိမ်ထောင်စုစာရင်းများ လိုက်ကောက်နေ၍ တိုက်ခိုက်ခဲ့ခြင်းဖြစ်ကြောင်း ရွှေခြံသားပြောက်ကျားတပ်ဖွဲ့က အသိပေးသည်။

Public Service Announcement

Public Service Announcement

“မနေ့ကတိုက်ခိုက်ခဲ့တာဆိုတော့ဒီနေ့ထိတော့ အိမ်ထောင်စုဇယားကောက်တာတွေမရှိသေးပါဘူးဗျ” ဟု စစ်​ကောင်စီတပ်မိုင်းဆွဲခံရပြီး​နောက်အ​ခြေအ​နေကို ရွှေခြံသားပြောက်ကျားတပ်ဖွဲ့မှ ပြန်ကြား​ရေးတာဝန်ခံက​ပြောသည်။

အာဏာသိမ်းစစ်ကောင်စီက ၎င်းတို့ကျင်းပပြုလုပ်မည့် ရွေးကောက်ပွဲအတွက် ကြိုတင်ပြင်ဆင်မှုများစတင်ဆောင်ရွက်နေပြီး မြေပြင်ကွင်းဆင်းဆောင်ရွက်ပေးနေသည့် စစ်အုပ်စုကိုလည်း တော်လှန်ရေးအင်အားစုများက တန်ပြန်သတိပေးအရေးယူမှုများ ပြုလုပ်နေပြီဖြစ်သည်။

ဆက်စပ်သတင်းများ

သတင်း

လောလောဆယ်အခြေအနေတွင် မြဝတီမြို့၌ တိုက်ပွဲဖြစ်လာနိုင်ဖွယ်မရှိိကြောင်း လုံခြုံရေးသတင်းရင်းမြစ်က ပြောသည်။

သတင်း

ကော့ကရိတ်မြို့သို့ စစ်ကူရောက်ရှိလာသော စစ်ကြောင်းမှာ မည်သည့်လမ်းကြောင်းမှ ရောက်ရှိလာသည်ကို မသိရဘဲ အင်အား ရာနှင့်ချီပါဝင်သည်ဟု ရဲဘော်တစ်ဦးက ပြောသည်။

သတင်း

လွယ်ဂျယ်က ရရှိခဲ့သည့် ငွေများနှင့်ပတ်သက်ပြီး မည်သို့ စီမံသည်ဆိုသည်ကို ဗိုလ်ချုပ်ကြီး ဂွန်မော်က KIO ဘဏ္ဍာရေးဌာန၏ စည်းမျဉ်းအမှတ်(၆၄)၌ ပြဌာန်းထားသည့် အချက်များကို ၎င်း၏ Facebookမှ တဆင့် ရှင်းပြခဲ့သည်။

ဆောင်းပါး

မြဝတီမြို့ပြင်တိုက်ပွဲများကြောင့် မြို့ခံအချို့မှာ လုံခြုံရေးအခြေအနေစိုးရိမ်၍ ယခုရက်ပိုင်းအတွင်း ထိုင်းနိုင်ငံ၊​ မဲဆောက်မြို့သို့ ပြောင်းရွှေ့နေထိုင်မှုများလည်း ရှိနေသည်။