စစ်ကိုင်းတိုင်း အင်းတော်မြို့မှ ပြည်သူတစ်ဦးကို စစ်ကောင်စီတပ်က ယနေ့ ဖမ်းဆီးခဲ့ကြောင်း Indaw Revolution က ဖော်ပြသည်။
အင်းတော်မြို့ အောင်ချမ်းသာရပ်ကွက်မှ အသက် (၄၀)ကျော်အရွယ် ဦးလှအောင်သည် ယနေ့ နိုင်ငံတဝန်း၌ ပြုလုပ်သည့် စစ်အာဏာရှင် ဆန့်ကျင်ရေး အသံတိတ်သပိတ်ကို ဓာတ်ပုံရိုက် သည်ဟု ဆိုကာ ဖမ်းဆီးခဲ့ခြင်းဖြစ်သည်ဟု ဆိုသည်။
“ဓာတ်ပုံလေးရိုက်တာတောင် ကြောက်ချီးပန်းနေမှတော့ စစ်ကောင်စီ တပ်တွေဟာ အရမ်းကို ကြောက်စိတ်တွေဝင်ပြီး လုံး၀တပ်ပျက်နေပါပြီ”ဟု Indaw Revolution က ဖော်ပြသည်။
ပြည်သူများအနေဖြင့် စစ်အာဏာရှင် အမြစ်ပြတ် စေရေးယခုထက် ပိုမိုပေးကြရန်လည်း မေတ္တာရပ်ခံထားသည်။
Public Service Announcement
ယနေ့ အသံတိတ်သပိတ်တွင် အင်းတော်မြို့ပေါ်ရှိ လမ်းမများ၌ တိတ်ဆိတ်နေပြီး မြို့ထဲ၌ စစ်ကောင်စီ လက်အောက်ခံရဲများ ခြေရှုပ်ခဲ့ကြောင်း၊ လမ်းဆုံ၊ လမ်းထောင့်များတွင်လည်း ကင်းပုန်းများ ရှိနေပြီးမြို့ထဲရှိ ပိတ်ထားသောစျေးဆိုင်များကို စစ်ကောင်စီက ခြိမ်းခြောက်ပြီး အတင်းဖွင့်ခိုင်းနေကြောင်း Indaw Revolutionက ဆိုသည်။ထို့ပြင် မန္တလေး – မြစ်ကြီးနား ဗျူဟာကားလမ်းတလျှောက်တွင်လည်း ကားအသွားအလာ မရှိသလောက်နည်းပါးခဲ့သည်ဟု ဖော်ပြသည်။
