Connect with us

Hi, what are you looking for?

LuduNwayOo

သတင်း

ဖားကန့်တွင် ပေ(၃၀၀)ခန့်မြင့်သော မြေစာပုံပြိုကျပြီး ရေမဆေးသမား နှစ်ဦးသေဆုံး

ဖားကန့်မြို့၊လုံးခင်းကျေးရွာအုပ်စု၊ ကုဋေကျေးရွာမှ စွန့်ပစ်မြေစာပုံသည် ယမန်နေ့(ဖေဖော်ဝါရီ ၁၃ရက်) ညက ပြိုကျခဲ့ရာ ရေမဆေးကျောက်ရှာဖွေသူများ မြေပိသွားခဲ့သည်ဟု ဒေသခံများကပြောသည်။

မြေစာပုံပြိုကျမှုကို ရှာဖွေကယ်ဆယ်ရေးလုပ်ဆောင်နေစဉ်၊ ဓာတ်ပုံ - CJ
မြေစာပုံပြိုကျမှုကို ရှာဖွေကယ်ဆယ်ရေးလုပ်ဆောင်နေစဉ်၊ ဓာတ်ပုံ - CJ

▪️ဒဏ်ရာရသူသုံးဦးတွေ့ရှိထားပြီး ပျောက်ဆုံးနေသူများကို ရှာဖွေနေ

ကချင်ပြည်နယ် ဖားကန့်မြို့တွင် ပေ(၃၀၀)ခန့်မြင့်သော မြေစာပုံတစ်ခုပြိုကျပြီး ရေမဆေးကျောက်ရှာသူနှစ်ဦးသေဆုံးကာ ဒဏ်ရာရသူသုံးဦးတွေ့ရှိထားပြီး ပျောက်ဆုံးနေသူများကို ဆက်လက်ရှာဖွေနေသည်။‌

ဖားကန့်မြို့၊လုံးခင်းကျေးရွာအုပ်စု၊ ကုဋေကျေးရွာမှ စွန့်ပစ်မြေစာပုံသည် ယမန်နေ့(ဖေဖော်ဝါရီ ၁၃ရက်) ညက ပြိုကျခဲ့ရာ ရေမဆေးကျောက်ရှာဖွေသူများ မြေပိသွားခဲ့သည်ဟု ဒေသခံများကပြောသည်။

“အရေအတွက် နည်းလား၊များလား မသိရဘူး။ ပြောနေတာတော့ အမျိုးမျိုးပဲ။ အခုမနက်အထိတော့ ရုပ်အလောင်းနှစ်လောင်းနဲ့ ဒဏ်ရာရသူ သုံးဦးတွေ့တယ်”ဟု ဒေသခံတစ်ဦးက ပြောသည်။

မြေစာပုံသည် ပေ(၃၀၀)ခန့်​မြင့်ပြီး ပြိုကျချိန် ည ၁၀ နာရီခန့်သည် ရေမဆေးကျောက်ရှာဖွေသူအများအပြားရှိနေချိန်ဟု သိရသည်။

Public Service Announcement

Public Service Announcement

“၁၀ယောက်ထက်တော့ မလျော့ဘူးဗျ။ ဆက်ရှာနေကြတယ်”ဟု ရှာဖွေကယ်ဆယ်ရေးတွင် ပါဝင်သူတစ်ဦးက ပြောသည်။

ဒဏ်ရာရသူသုံးဦးသည် ဖားကန့်ဆေးရုံ၌ ကုသ နေရဆဲဖြစ်သည်။

ဖားကန့်တွင် ဇန်နဝါရီ ၃၀ရက်ကလည်း ပေ (၁၀၀)ခန့်မြင့်သော ကျောက်ကမ်းပါးယံတစ်ခုပြိုကျပြီး ရေမဆေးကျောက်ရှာသူ လေးဦးသေဆုံးခဲ့သည်။

ဖားကန့်တွင် ရခိုင်ပြည်နယ်နှင့်စစ်ကိုင်းတိုင်းအပါအဝင်အနယ်နယ်အရပ်ရပ်မှ လာရောက်ပြီး ကျောက်တူးနေသူ နှစ်သိန်းမှ သုံးသိန်းကြားရှိနေသည်။

အဆိုပါ ကျောက်တူးသမားများကို စစ်ကောင်စီက အကြောင်းမဲ့ဖမ်းဆီးသတ်ဖြတ်မှုများ ရှိခဲ့သည်ဟု ​ဒေသခံများက ပြောသည်။

ဆက်စပ်သတင်းများ

နိုင်ငံတကာ

ဂါဇာ ကျန်းမာရေး ဝန်ကြီးဌာနရဲ့ အဆိုအရ စစ်ပွဲအစပြုခဲ့တဲ့ အောက်တိုဘာ ၇ ရက်နေ့နောက်ပိုင်း ပါလက်စတိုင်း အသေအပျောက်ဟာ ၃၉၀၀၀ နီးပါးလောက်ထိ များပြားလာခဲ့ကြောင်း သိရပါတယ်။

သတင်း

ရမခ အခြေစိုက်ရာ လားရှိုးတွင် တိုက်ပွဲများ ပြင်းထန်နေပြီး ယမန်နေ့ ဇူလိုင် ၇ရက်ညပိုင်းက စစ်ကောင်စီ၏ ခမရ(၅၀၇) တပ်ရင်းကို ကိုးကန့်တပ်ဖွဲ့က သိမ်းပိုက်ရရှိခဲ့သည်။

သတင်း

အရပ်သားသေဆုံးထိခိုက်မှုမှာ TNLAက ထုတ်ပြန်ထားသည့် အရေအတွက်ထက် ပိုများနိုင်သည်ကို ဒေသခံ သတင်းရင်းမြစ်၏ အသိပေးချက်အရ သိရသည်။

သတင်း

စခန်းအများအပြား လက်လွှတ်လိုက်ရသည့် စစ်ကောင်စီက လေကြောင်းမှ အချိန်မရွေးတိုက်ခိုက်လာနိုင်ကြောင်း ဒေသခံများအား ကာကွယ်ရေးရဲဘော်များက သတိပေးသည်။